O raposo gris (Urocyon cinereoargenteus) é unha especie de mamífero carnívoro da familia dos cánidos distribuída polo continente americano, dende o sur do Canadá até Venezuela. Nalgúns lugares de Hispanoamérica é coñecido como tigrillo, ostoche ou gato de monte, debido ós seus longos bigotes máis propios dun felino que dun cánido. Trátase dunha das dúas especies actuais agrupadas dentro do xénero Urocyon, sendo a outra o raposo gris das illas. Algúns cánidos do xénero Lycalopex que habitan no cono sur americano tamén son chamados ás veces raposos grises, pero non están emparentados de forma estreita con esta especie.
Descrición left|miniatura|upright|Raposo gris de Florida. O tamaño é semellante ó do coiote, mais teñen numerosos diferenzas morfolóxicas. O raposo gris ten o fociño máis curto e agudo, as orellas máis desenvolvidas e as patas proporcionalmente máis curtas. A cola é longa e espesa, moi poboada. A pelaxe é gris escura ou prateada no lombo, volvéndose avermellada nos costados e as patas e branca no ventre. Unha banda de pelo negro cruza o corpo dende a caluga até a punta da cola, seguindo todo o lombo do animal. A gorxa é branca e aprécianse dúas raias finas de pelo negro que parten dende os ollos cara a atrás.
Notas
Véxase tamén
Bibliografía Alderton, David (1998). Foxes, Wolves, Lions, and Wild Dogs of the World. Londres: Blandford
Categoría:Cánidos Categoría:Mamíferos de Belize Categoría:Mamíferos do Canadá Categoría:Mamíferos de Colombia Categoría:Mamíferos de Costa Rica Categoría:Mamíferos do Salvador Categoría:Mamíferos de Guatemala Categoría:Mamíferos de Honduras Categoría:Mamíferos de México Categoría:Mamíferos de Nicaragua Categoría:Mamíferos de Panamá Categoría:Mamíferos de Venezuela Categoría:Mamíferos dos Estados Unidos de América Categoría:Animais descritos en 1775