Sandra Ortega Mera, nada na Coruña o 19 de xullo de 1968, é unha empresaria galega, unha das principais accionistas de Inditex.
Traxectoria É a filla máis vella de Amancio Ortega e a súa primeira muller, Rosalía Mera. Ten o grao en Psicoloxía pola Universidade de Santiago de Compostela. Após a morte da súa nai, Rosalía Mera, en 2013, herdou a participación do 7% que esta tiña en Inditex, a empresa fundada polo seu pai Amancio Ortega, co que se converteu na muller máis rica de España cun valor neto de 7300 millóns de dólares.
O seu grupo empresarial, Rosp Corunna, acadou en 2015 e 2016 uns beneficios de 105 e 89,6 millóns de euros respectivamente.
Ortega traballa coa fundación creada pola súa nai para persoas con discapacidade mental e física, a Fundación Paideia Galiza.
Notas
Categoría:Nados en 1968 Categoría:Nados na Coruña Categoría:Personalidades de Galicia sen imaxes Categoría:Empresarios de Galicia Categoría:Inditex