Åge Fridtjof Hareide, nado o 23 de setembro de 1953 en Hareid, é un ex xogador e adestrador de fútbol noruegués.
Como adestrador, gañou títulos en todos os países escandinavos, En Suecia co Helsingborgs IF en 1999 e co Malmö FF en 2014, en Dinamarca co Brøndby en 2001–02 e na súa Noruega natal co Rosenborg en 2003. Hareide estivo á fronte da selección nacional norueguesa desde 2003 a 2008 e da de Dinamarca desde 2016.
Traxectoria Durante a súa carreira profesional como xogador formou parte do Hødd, Molde, Manchester City e Norwich City e xogou coa selección norueguesa desde 1976 a 1986, logrando cinco goles en 50 partidos.
Adestrador Desde 1985 Hareide adestrou diversos clubs escandinavos, como o Molde ou o Helsingborgs. Noruega Hareide converteuse en seleccionador da selección nacional norueguesa a finais de 2003 en substitución de Nils Johan Semb. O de 8 de decembro de 2008, despois de fracasar en torneos internacionais e dun mal inicio nas cualificacións para o Mundial de Fútbol Suráfrica 2010 Hareide cesou como adestrador nacional.
Viking O 10 de xuño de 2009 anunciouse que adestraría ao equipo sueco Örgryte IS e o 1 de decembro de 2009 deixouno para adestrar o FK Viking, de Stavanger para substituír a Uwe Rösler. Tras a cesación de Egil Østenstad como director deportivo do Viking, Hareide asumiu o seu posto en setembro de 2011 e Josep Clotet quedou como adestrador na tempada 2012. O Viking acabou o noveno na primeira tempada de Hareide en 2010, e décimo primeiro en 2011. Co equipo colocado en décima posición o 9 de xuño de 2012, o club destituíuno por mor dos malos resultados.
Helsingborg Logo da dimisión de Conny Karlsson do Helsingborgs o club contratou a Hareide, con quen xa gañara a Allsvenskan en 1999.
Malmö FF O 9 de xaneiro de 2014 converteuse en adestrador do Malmö FF, onde logrou o éxito na defensa do seu liderado na Allsvenskan e cualificarse para a Liga de Campións da UEFA 2014-15 na súa primeira tempada á fronte do equipo, tamén recibiu o premio ao adestrador do ano da Allsvenskan e foi candidato ao adestrador do ano da Svenska idrottsgalan.
Dinamarca O 10 de decembro de 2015 anunciouse que Hareide ía ser o novo adestrador da selección danesa de fútbol en substitución de Morten Olsen, desde o 1 de marzo de 2016.
Notas
Categoría:Nados en 1953 Categoría:Adestradores do Brondby IF Categoría:Xogadores do Manchester City FC Categoría:Xogadores do Molde FK Categoría:Xogadores da selección de fútbol de Noruega Categoría:Adestradores de fútbol de Noruega Categoría:Xogadores do Norwich City FC Categoría:Nados no condado de Møre og Romsdal Categoría:Xogadores do IL Hødd Categoría:Adestradores do Molde FK Categoría:Adestradores do Helsingborgs IF Categoría:Adestradores do Rosenborg BK Categoría:Adestradores do Örgryte IS Categoría:Adestradores do Viking FK Categoría:Adestradores do Malmö FF Categoría:Adestradores da selección de fútbol de Noruega Categoría:Adestradores da selección de fútbol de Dinamarca Categoría:Defensas de fútbol