250px|thumb|Puerto Banús O Porto José Banús, máis coñecido como Puerto Banús, é un porto deportivo de gran luxo, situado na urbanización Nueva Andalucía, entre Marbella e San Pedro Alcántara, na provincia de Málaga.
Este enclave turístico converteuse, desde que foi inaugurado en maio de 1970, nun dos maiores centros turísticos e de entretemento da Costa do Sol, alcanzando fama e prestixio internacional. Obtivo a Medalla de Ouro ao Mérito Turístico en 1975 e o Gold Mercury International pola súa acción en favor do desenvolvemento á cooperación económica, cultural e social.
Historia O arquitecto Noldi Schreck, o cal participou no deseño e construción de Beverly Hills, foi visitado en 1966 polo príncipe Alfonso de Hohenlohe, para pedirlle que fixese o Beach Club do Hotel Marbella Club. O seu primeiro traballo serviu para coñecer a José Banús e convencelo de que Puerto Banús non era un lugar adecuado para construír enormes rañaceos. Propuxo facer un pobo andaluz con mariña, o primeiro porto feito por un só arquitecto. Xuntos conseguiron darlle o toque de sofisticación que alcanzou Puerto Banús. José Banús converteuse no promotor máis importante de complexos de turismo residencial da Costa do Sol e o porto tomou o seu nome.
thumb|left|300px|Vista nocturna de Puerto Banús. O fastuoso complexo tivo a súa apertura en maio de 1970. Asistiron, entre outros, os Príncipe de España Xoán Carlos e Sofía de Grecia, os Príncipes de Mónaco Rainiero e Grace Kelly, o Aga Khan, o director de cinema Roman Polanski, o fundador de Playboy Hugh Hefner e o doutor Christian Barnard, pioneiro no transplante de corazón. Un novo Julio Iglesias foi contratado para amenizar a gala.
Na década dos setenta, Salmán bin Abdulaziz, gobernador de Riad naqueles anos, xunto ao seu irmán o falecido rei Fahd I, comezaron a ser asiduos da Costa do Sol. Na súa primeira visita reservaron 32 habitacións do hotel Incosol para o seu séquito. Dous anos despois, comezaron a construír cinco palacios na milla de ouro de Marbella cunha extensión de 200.000 metros cadrados, e máis tarde compraron dous pantaláns en Puerto Banús cunha valoración superior ao millón de euros, entre eles o peirao de honra onde atracarían desde entón o Shaf London anteriormente denominado Aquitou con 53 metros de eslora que o rei Salmán adquiriu en 1991.
Turismo 250px|thumb|Rinoceronte vestido con puntillas, obra de Salvador Dalí. A súa localización xeográfica e a visita de numerosos personaxes populares convérteno nun atractivo destino estival. Segundo datos do Concello de Marbella, Puerto Banús é visitado anualmente por case 5 millóns de persoas.
Nas rúas do Porto atópanse exclusivas firmas de moda como Louis Vuitton, Dior, Gucci, Versace, Bvlgari ou Dolce & Gabbana. Debido ás súas exitosas cifras de turismo tamén está presente El Corte Inglés, coa maior facturación de España no verán e durante moitos anos o líder anual. A contorna conta así mesmo con varios hoteis de gran luxo.
No Boulevard da Fama de Puerto Banús réndese unha homenaxe a personalidades que promoveron Marbella no eido nacional ou internacional mediante a súa dedicación profesional. Nunha das rotondas de acceso ao porto pódese contemplar a enorme escultura, de tres toneladas, Rinoceronte vestido con puntillas (1956), do artista Salvador Dalí.
Notas
Véxase tamén Ligazóns externas
Sitio web do porto
Banus Categoría:Marbella