A Ponte do Rei Fahd (en árabe: جسر الملك فهد) está formada por un conxunto de pontes e estradas sobre o golfo Pérsico, cunha lonxitude de cerca de 25 quilómetros, ligando Khobar, na Arabia Saudita, co arquipélago de Bahrain.
Historia O 8 de xullo de 1981 foi asinado o acordo para o inicio da construción destas pontes entre Bahrain e Arabia Saudita.
O seu custo foi de 1.200 millóns de dólares, que foron financiados polo estado de Arabia Saudita.
Construción Os traballos iniciáronse o 11 de novembro de 1982 coa presenza do rei Fahad da Arabia Saudita e do xeque Isa bin Salman al-Khalifa do Bahrain.
Desta estrutura fan parte cinco pontes, chamadas Ponte I, Ponte II, Ponte III, Ponte IV e Ponte V, de 5194 m, 3334 m, 2034 m, 934 m e 934 m respectivamente e varias estradas de, na súa totalidade, 12430 metros.
Na construción, que durou catro anos, foron usados 350.000 m³ de formigón e 147.000 toneladas de aceiro reforzado.
A estrada, cun ancho de 23 metros e con catro vías foi inaugurada o 25 de novembro de 1986.
Transito En 2001 o tráfico da estrada foi de 2,7 millóns de vehículos, transportando un total de máis de 10 millóns de pasaxeiros.
Ligazóns externas King Fahd Causeway no sítio "structurae" Saudi Arabia Information Resource
Categoría:Pontes de Arabia Saudita Categoría:Pontes de Bahrain