O Pedrabranca Futebol Clube é un club brasileiro de fútbol, da cidade de Alvorada, no Estado de Río Grande do Sur. A antiga denominación do club era RS Futebol.
O club era unha sociedade do actual presidente do Pedrabranca e o ex xogador e ex-adestrador Paulo César Carpegiani. Actualmente o seu dono é o empresario Valdir de Oliveira Silveira, coñecido como Foguinho. Hoxe disputa a Segunda Divisão do Campeonato Gaúcho.
O equipo adquiriu certa importancia ao descubrir aos defensas Thiago Silva, do Paris Saint-Germain; Naldo, do VfL Wolfsburg; e o centrocampista Ederson, do Società Sportiva Lazio. Thiago Silva xoga na Selección de fútbol do Brasil onde é capitán.
O seu estadio é a Morada dos Quero-Queros, cunha capacidade para acoller a 2.000 espectadores. En 2012, o estadio foi vendido ao club do Sport Club Internacional, causando o peche da escola e do equipo xuvenil do Pedrabranca.
Clasificación da CBF Posición 191, con 15 puntos.
Clasificación feita pola Confederación Brasileira de Fútbol, que puntúa a tódolos equipos do Brasil .
Notas
Categoría:Equipos de fútbol do Brasil