Giovanni Battista Re, nado en Borno (provincia de Brescia) o 30 de xaneiro de 1934, e un cardeal italiano, prefecto da Congregación para os Bispos entre 2000 e 2010.
Traxectoria Foi ordenado sacerdote da diocese de Brescia o 3 de marzo de 1957 polo seu bispo, Giacinto Tredici.
O 9 de outubro de 1987 foi nomeado secretario da Congregación para os Bispos, e arcebispo titular de Forum Novum. Recibiu a ordenación episcopal o 7 de novembro de 1987 de mans do papa Xoán Paulo II.
O 12 de decembro de 1989 foi nomeado oficial do Secretariado de Estado da Santa Sé. O 16 de setembro de 2000 foi nomeado Prefecto da Congregación para os Bispos e Presidente da Comisión Pontificia para América Latina, e no consistorio do 21 de febreiro de 2001 o papa Xoán Paulo II creouno cardeal, co título de Cardeal-Presbítero de Santi XII Apostoli.
O 1 de outubro de 2002 foi elevado ao rango de Cardeal-Bispo de Sabina-Poggio Mirteto. O 8 de marzo de 2008 Bieito XVI nomeouno membro da Congregación para as Igrexas Orientais.
En 2010 retirouse do cargo de Prefecto da Congregación para os Bispos e de Presidente da Comisión Pontificia para América Latina.
Notas
Categoría:Bispos católicos de Italia Categoría:Cardeais de Italia Categoría:Cardeais creados por Xoán Paulo II Categoría:Nados en 1934 Categoría:Nados na provincia de Brescia Categoría:Alumnos da Pontificia Academia Eclesiástica Categoría:Bispos da Igrexa católica latina Categoría:Membros da Congregación para a Doutrina da Fe Categoría:Membros da Congregación para as Igrexas Orientais