Juan Antonio Menéndez Fernández foi un obispu asturianu qu'exerció como obispu auxiliar d'Uviéu ente 2013 y 2015 y como obispu d'Estorga dende 2015 hasta la so muerte.
Biografía En 1968 ingresó nel seminariu d'Uviéu pa cursar secundaria y darréu los estudios eclesiásticos, llicenciándose en 1980. Foi ordenáu sacerdote'l 10 de mayu de 1981.
Llicenciáu en derechu canónicu pola Universidá Pontificia de Salamanca (2005), hasta 2011 foi vicariu xeneral del arzobispáu d'Uviéu y hasta 2013 vicariu episcopal d'asuntos xurídicos.
El 26 d'abril de 2013 foi nomáu obispu titular de Nasai y auxiliar d'Uviéu pol papa Francisco. Recibió la ordenación episcopal el 8 de xunu por Jesús Sanz Montes. El 18 de payares de 2015 foi nomáu obispu de la diócesis d'Estorga p'asoceder a Camilo Lorenzo Iglesias, tomando posesión el 19 d'avientu.
Finó de secute el 15 de mayu de 2019 nel Obispáu d'Estorga por causa de un infartu.
Referencies
Enllaces esternos
Categoría:Sacerdotes católicos d'Asturies Categoría:Obispos auxiliares d'Uviéu Categoría:Obispos d'Estorga Categoría:Persones de Grau