Ignacio Vidau Argüelles ye un maxistráu asturianu. Foi presidente del Tribunal Superior de Xusticia d'Asturies ente 2003 y 2019.
Biografía Ye fíu del médicu uvieín Ignacio Vidal Fernández (1924-2009) y de María Teresa Argüelles Díaz (1928-2018). Ye'l mayor de cinco hermanos: Ignacio, María Teresa, José, María y Pedro. N'estudiando nel colexu de los Maristes de la capital asturiana, llicencióse en Derechu na Universidá d'Uviéu.
Ingresó na carrera xudicial como xuez de distritu n'avientu de 1978. Los sos primeros destinos fueron Badalona, Llanes, Samartín del Rei Aurelio, Llangréu y Avilés. Darréu aportó a maxistráu (avientu de 1989), treslladándose primero al xulgáu de lo social 1 d'Avilés y darréu al xulgáu de lo social 3 d'Uviéu. D'ellí aportó al Tribunal Superior de Xusticia d'Asturies, como miembru elixíu (1994) y dende la so elección como presidente (2003-2019) como miembru de natu. Enantes fuera maxistráu de la Sala Civil y Penal de la TSXA (xineru 2001).
N'avientu de 2003 foi elixíu presidente del TSXA, cargu del que foi renováu en dos vegaes pol plenu del Conseyu Xeneral del Poder Xudicial (2009 y 2014), permaneciendo en dichu puestu hasta finales del 2019.
Premios Cruz de San Raimundo de Peñafort (2022), concedida pol Ministeriu de Xusticia d'España. Insinia d'Oru del Colexu d'Abogaos (xunu de 2021). Homenaxe al ex-presidente del Tribunal Superior de Xusticia d'Asturies (Uviéu, xineru de 2020). Colexal honorariu del Colexu d'Abogaos d'Asturies (mayu de 2018).
Referencies
Enllaces esternos
Categoría:Xuristes d'Asturies Categoría:Alumnáu de la Universidá d'Uviéu Categoría:Persones d'Uviéu