Ástor García Suárez ye un profesor y políticu comunista español. Ye'l secretariu xeneral del Partíu Comunista de los Trabayadores d'España dende marzu de 2019, cuando surde esti partíu.
Biografía
Principios y PCPE Llicencióse en Drechu pola Universidá d'Uviéu y entamó la so militancia comunista a principios de los anos 2000, participando nes protestes d'estudiantes contra la LOU. Nes Eleiciones municipales d'España de 2007 formó parte de les llistes del Partíu Comunista de los Pueblos d'España a l'alcaldía d'Uviéu. Pocu dempués pasó a ser el responsable políticu del PCPE na Rioxa y miembru del Comité Central, y nes Eleiciones xenerales de 2008 foi cabezaleru al Congresu pola provincia de La Rioxa. Foi tamién el cabezaleru del PCPE nes eleiciones autonómiques al Parllamentu de La Rioxa de 2011 y 2015.
Dixebra nel PCPE En 2017 de produxo una dixebra nel sen del PCPE, que llevó a qu'una parte del partíu escoyere como nuevu secretario xeneral a Ástor García, en sustitución a Carmelo Suárez, secretariu xeneral dende 2002. García contó col sofitu de la práctica totalidá de los Coleutivos de la Mocedá Comunista y de parte de les organizaciones territoriales del partíu, pero non como del Comité Central, que sofitó mayoritariamente a Carmelo Suárez y denunció la eleición de García como un "acto fraccionario". 220 militantes del PCPE y CMC amosaron un documentu que sofitaba les decisiones llevaes pola direición liderada por García, subscribindo un alcuerdu de cinco puntos en defensa'l partíu, mientres que delles organizaciones territoriales emitieron declaraciones en defensa de la nueva direición, incluyendo les de País Vascu, d'Asturies, de Cantabria, de Galicia, de Madrid, de les Islles Baleares, de Canaries, de Castiella y Llión y parte de Cataluña.
PCTE Finalmente, el 3 de marzu de 2019 de resolvio'l problema pola vía llegal la duplicidá de sigles. El sector encabezáu por Ástor García adoptó un nuevu nome, el Partíu Comunista de los Trabayadores d'España (PCTE), según lo dispuesto nel so XI Congresu extraordinariu. Ye dende entós el so secretariu xeneral.
A mediaos de marzu de 2019, foi elixíu pol Comité Central del PCTE, por unanimidá, como candidatu presidencial pa les eleiciones xenerales d'esi añu y encabezó la llista al Congresu pola provincia de Madrid.
Nes Eleiciones al Parllamentu Européu de 2019, encabezó la llista del PCTE, llogrando 19.081 votos (un 0,09%).
Referencies
Enllaces esternos
Categoría:Políticos y polítiques d'Asturies Categoría:Persones d'Uviéu Categoría:Alumnáu de la Universidá d'Uviéu