Soledad Sánchez Maroto ye una política y activista española. Anguaño ye diputada d'Izquierda Xunida nel Congresu de los Diputaos y na Asamblea de Madrid.
Biografía Ñaz en Madrid en 1970, ye llicenciada en Ciencies Polítiques y Socioloxía y n'Antropoloxía. Trabayó como consultora nel sector bancariu y financieru.
Pertenez a ATTAC España, organización creada nel añu 2000, de la que foi Vicepresidenta de Comunicación y coordinadora, cargos a los qu'arrenunció al dar el saltu a la política. Tamién ye miembru d'otros movimientos ciudadanos y plataformes como Quien debe a quién, la Plataforma contra Eurovegas y la Plataforma pola Auditoría de la Delda. thumb|left|Encabezando una protesta na Gran Vía madrilana mientres les Marches de la Dignidá de mayu de 2017 N'ochobre de 2015 acompañó a Alberto Garzón na llista d'eleiciones primaries a la presidencia'l gobiernu d'Ahora en Común-Unidad Popular denominada Ahora con Alberto Garzón.
Nes eleiciones xenerales d'España celebraes el 20 d'avientu de 2015 ocupó'l puestu númberu dos como independiente na llista de Madrid de la candidatura Unidá Popular: Izquierda Xunida-Unidá Popular en Común por Madrid qu'encabezó Alberto Garzón y llogró escañu nel Congresu de Diputaos.
En mayu de 2016 tres el pactu ente Izquierda Xunida y Podemos pa les eleiciones llexislatives del 26 de xunu anuncióse que Sol Sánchez ocuparía'l puestu númberu nueve de la llista por Madrid. Nun revalidó'l so escañu porque la so formación llogró solamente ocho diputaos nesta circunscripción.
El 28 de xineru de 2017, ye escoyida coportavoz d'IX Madrid, na primer Asamblea Política y Social, en sustitución de Chus Alonso.
Referencies
Enllaces esternos
Categoría:Políticos y polítiques d'España