Rodrigo Cuevas González ye un artista multidisciplinar, cantante, compositor, acordionista, percusionista y DJ asturianu.
Biografía Rodrigo Cuevas estudió pianu y tuba nel Conservatoriu Superior de Música d'Uviéu. Darréu, estudió Sonoloxía na Escuela Superior de Música de Cataluña (Esmuc) en Barcelona.
Treslladóse a vivir a Galicia, primero a Santiago y darréu a l'aldega d'A lama, onde paso ocho años. Ellí, de la mano de los vecinos, descubrió per primer vegada la música tradicional gallega, el so baille ya idioma. Nesta dómina formo el dúu La Dolorosa Compañía que se caracterizaba pola so interpretación de la copla freak-pop. La Dolorosa Compañía taba formada por Lúa Gándara y el mesmu Rodrigo Cuevas al acordión. Dambos tomaben los nomatos de Jimena Fernández y Fernando Jiménez, respectivamente.
Na so música y espectáculos, Rodrigo Cuevas incorpora bases electróniques a la música tradicional amás de vistir un paxellu rural entemecíu con estilu de cabaretera y “pin-up”.
Ye conocíu como'l "Freddy Mercury" del folclor asturianu.
Reconocencies En 2017 recibió'l Premiu AMAS al meyor artista revelación.
En marzu de 2017 foi nomáu Asturianu del Mes por La Nueva España.
En 2018 foi premiáu col Urogallo al personaxe popular pel Centru Asturianu de Madrid.
En 2019 recibió una Residencia de Producción del Programa d'Artes Escéniques en Residencia de Llaboral Ciudá de la Cultura de Xixón pol so show Trópico de Covadonga.
En 2019 recibió'l Premiu GAVA de l'Asociación Clúster de la Industria Creativa, Cultural y Audiovisual d'Asturies al Meyor Presentador de TV pola so participación nel programa El Camino.
En 2022 diéron-y el premiu El Ojo Crítico al meyor cantar na categoría de música moderna, dau por Radio Nacional d'España.
En 2023 el Ministeriu de Cultura d'España dió-y el Premiu Nacional de les Músiques Actuales.
Referencies
Enllaces esternos
Categoría:Cantantes d'Asturies Categoría:Cantantes n'asturianu Categoría:Cantantes en castellanu Categoría:Persones d'Uviéu