L'Academia Valenciana de la Llingua (en valencianu, Acadèmia Valenciana de la Llengua) tamién conocida como AVL, ye una institución que trabaya pola normalización y normativización del idioma valencianu. Esta institución ñaz en 1998 cola Llei de la Xeneralidá Valenciana 7/1998, de 16 de setiembre de 1998, de Creación de l'Academia Valenciana de la Llingua.Ley 7/1998, de 16 de setiembre, de Creación de la Academia Valenciana de la Lengua y Decreto 158/2002, de 17 de setiembre, por el que se aprueba el Reglamento de la Acadèmia Valenciana de la Llengua (AVL)
http://www.docv.gva.es/fileadmin/user_upload/docvpub/Compendios/ACADEMIA_VALENCIANA_DE_LA_LENGUA.pdf
Cola reforma del Estatutu d'Autonomía de 2006 l'AVL quedó reconocida como l'únicu organismu competente na regulación del valencianu, quedando ascrita a la Presidencia, polo qu'esfruta de personalidá xurídica propia y exerz les sos funciones con autonomía orgánica, funcional y presupuestaria pa garantizar la so oxetividá ya independencia, anque se-y atribúin ciertes dependencies del poder políticu al traviés de los sos representantes.
Historia
Etapa con gobiernos del Partíu Popular (1997-2015) Fundación de l'academia (1997-2001)
Tres l'alderique de política xeneral, les Cortes Valencianes resolvieron el día 17 de setiembre de 1997 solicitar que'l Conseyu Valencianu de Cultura (CVC) dictaminara en función de fundamentos científicos ya históricos respectu de les cuestiones llingüístiques valencianes. Por cuenta d'esti pidimientu'l Plenu del Conseyu Valencianu de Cultura abrió un periodu de receición d'escritos y visites que se zarró'l día 28 de febreru de 1998. Feches les considerancies preliminares precedentes y conseñaos los antecedentes de rigor, el 13 de xunetu de 1998 el CVC emitió un dictame nel cual proponía la creación d'un ente de referencia normativa del valencianu que tuviera les siguientes carauterístiques:Tres el dictame del CVC, los grupos parllamentarios popular, socialista y mestu presentaron una proposición de llei de creación de l'Academia Valenciana de la Llingua nes Cortes Valencianes. Tres un llargu y encaloráu alderique parloamentariu, nel que se presentaron munches enmiendes al enteproyeutu de llei, el 16 de setiembre de 1998 aprobóse la llei 7/1998, de la Xeneralidá Valenciana, de Creación de l'Academia Valenciana de la Llingua, que salió alantre por una amplia mayoría de los diputaos de les Cortes Valencianes, con 73 votos a favor y 12 en contra. Los grupos parllamentarios popular, socialista y mestu votaron a favor de la norma, mientres que los grupos parllamentarios d'Esquerra Unida-Els VerdsEl grupu parllamentariu d'Esquerra Unida-Els Verds votó en contra de la llei por cuenta de que consideraba que yá esistía una institución que s'encargaba de normativizar la llingua, l'Institutu d'Estudios Catalanes. y Unió ValencianaXunió Valenciana votó en contra de la llei porque consideraba que cola AVL diba proclamase la unidá de la llingua valenciana cola catalana, daqué totalmente opuestu al so ideariu. votaron en contra de la creación de l'AVL. thumb|200px|right|Llexislación sobre l'AVL publicada nel DOCV. La llei introdució una disposición transitoria qu'afitaba dende la entrada a vigor de la llei un plazu cimeru d'un mes pa que les Cortes Valencianes escoyeren a los primeros ventiún académicos, lo cual nun asocedió, porque los grupos parllamentarios del momentu nun llegaron a un alcuerdu. Por cuenta d'esto la llei quedó parada mientres los años 1998 y 2000. Sicasí, nel añu 2001 el Partíu Popular y el Partíu Socialista llegaron a un pactu pa realizar el nomamientu de los académicos, el denomináu Pacte de la llengua, el cual foi robláu'l 14 de xunu del 2001. Tres la firma del alcuerdu, les Cortes Valencianes nomaron definitivamente'l 15 de xunu del 2001 a los 21 académicos de l'AVL, desbloquiando asina la llei 7/1998. D'esta miente, l'AVL quedó constituyida de forma oficial el 23 de xunu de 2001, cuando los académicos tomaron posesión de les sos actes nel actu fundacional de l'AVL, que tuvo presidíu por Eduardo Zaplana, Presidente de la Xeneralidá Valenciana. Nesti actu Xavier Casp, que yera'l miembru de más edá, salió como presidente provisional y Artur Ahuir, el más nuevu, resultó investíu secretariu eventual, hasta que'l 31 de xunetu, nel primer plenu de l'Academia s'escoyió al primer presidente oficial de la institución, de que'l so procesu saldría escoyida Ascensió Figueres.
Primeros trabayos y polémiques (2002-2005) Ún de los primeros trabayos que realizó l'Academia Valenciana de la Llingua foi establecer el referente normativu oficial del valencianu. Pa ello l'AVL aprobó'l 25 de marzu de 2002 un dictame nel qu'especificaba que la normativa del valencianu yera la qu'utilizaba la Conseyería d'Educación y Cultura dende 1983, cuando se promulgó la Llei d'usu y enseñanza del valencianu (LUEV). El dictame paecía dexar claro cuál yera'l referente normativu oficial del valencianu, el Conseyu de la Xeneralidá unvió a l'AVL un llistáu de pallabres xenuines valencianes pa que realizara un informe sobre la so validez, y asina fueren añadíes a les declaraes como oficiales por esta institución. D'esta miente, el 20 de mayu del 2002 l'AVL aprobó un nuevu informe, el cual, según l'académicu Jordi Colomina, tenía como oxetu desplicar una serie de preferencies y opciones a cuenta de la consulta de la Conseyería de Cultura con una serie d'exemplos y dobletes (conxuntu de dos pallabres, una d'evolución culta y otra popular).
L'AVL tamién escorría acabar coles polémiques sobre'l nome de la llingua y la so identidá, por ello constituyó una ponencia pa proponer el nome de la llingua mesma llingua autóctona y la so pertenencia a un sistema llingüísticu. Pese al interés de l'AVL d'acabar col discutiniu, el Grupu Popular de les Cortes Valencianes esixó a l'Academia Valenciana de la Llingua que cumpliera tanto la so llei de creación como l'Estatutu d'Autonomía —nel alderique sobre'l nome de la llingua—, yá que consideraben qu'énte l'alcuerdu de crear una ponencia pa estudiar y determinar la denominación de la llingua propia de los valencianos, l'AVL taba asumiendo competencies que nun-y correspondíen pos la llei de creación de la AVL nun inclúi ente les competencies del organismu nenguna sobre la definición de la llingua. thumb|200px|Alejandro Font de Mora, Conseyeru qu'atrabancó l'aprobación de los dictames de l'AVL. Magar tou, la ponencia constituyóse, y tuvo integrada por Rafael Alemany y Manel Pérez Saldanya, por parte del sector proveniente del entornu universitariu, y Ramón Ferrer y Àngel Calpe, pol sector proveniente de la RACV. Cuando la ponencia tenía'l trabayu avanzáu, surdió un conflictu arriendes de la denominación del valencianu na Xunión Europea, qu'afectó tamién a l'AVL, yá que la presidenta de la institución, Ascensió Figueres —del PP— pretendió frenar el dictame de la ponencia sobre la denominación que foi encargada pol plenu de la institución, anque finalmente gracies al sofitu de trece de los 21 miembros qu'integraben la AVL siguir col trabayu de la ponencia. Por cuenta d'esti discutiniu'l Conseyu de la Xeneralidá solicitó un informe al Conseyu Xurídicu Consultivu (CJC) sobre si l'AVL tenía competencia p'alcordar o emitir un dictame sobre la denominación y entidá del valencianu. El 9 d'avientu de 2004 el CJC aprobó'l so informe sobre la tema en cuestión, indicando que la institución escarecía de competencia p'alcordar o emitir dicho dictame, sacantes que-y fora solicitáu pol Presidente de la Xeneralidá Valenciana, les Cortes Valencianes o'l Conseyu de la Xeneralidá, anque inclusive nestos casos tendría de defender y protexer la denominación y entidá de la llingua.
Debíu al informe del CJC los académicos que votaron a favor de la ponencia enmendaron la propuesta de dictame, faciéndola más a la lliteralidá de la llei de creación de la institución y el so reglamentu, polo que'l testu que se propunxo defendía l'usu de la denominación de valencianu, que dacuando se combinaría cola de llingua valenciana, ente qu'abogaba por utilizar conxuntamente los nomes de catalán y valencianu con igual rangu y dignidá, namás de cara al esterior y nes circunstancies que riquieren identificar el conxuntu del sistema llingüísticu. Magar les cesiones, el día que tenía d'aprobase'l dictame, el conseyeru de Cultura, Alejandro Font de Mora, allegó por sorpresa al plenu de l'Academia Valenciana de la Llingua p'amenaza-yos con midíes llegales y llexislatives si osaben aprobar el dictame, polo que la presidenta de l'Academia retiró esi puntu del orde del día. Dempués d'esti acontecimientu, tola oposición solicitó la dimisión del conseyeru de Cultura pola so inxerencia na autonomía de l'Academia Valenciana de la Llingua, pero nun dimitió. Tres el torgamientu por parte del Conseyu de la Xeneralidá de l'aprobación del dictame hubo dellos contactos ente les diverses partes, tanto académiques como polítiques, pa resolver la crisis nel senu de l'Academia. Finalmente'l 9 de febreru de 2005 se celebró en Benidorm una nueva xunta de gobiernu de l'AVL pa desbloquiar el citáu dictame, na que se propunxo un nuevu testu que namás reconocía la pertenencia del valencianu y del catalán a un mesmu sistema llingüísticu según que dambos formaben parte d'una llingua compartida, gracies a lo cual consiguióse la so aprobación.
Competencies Según l'Estatutu d'Autonomía de la Comunidá Valenciana, l'Academia Valenciana de la Llingua ye la institución de calter públicu de la Xeneralidá que tien por función determinar y ellaborar, nel so casu, la normativa llingüística del valencianu, siendo la so normativa llingüística d'aplicación obligatoria en toles alministraciones públiques de la Comunidá Valenciana.
Al pie d'esto, les competencies básiques de l'AVL queden recoyíes na Llei 7/1998 de la Xeneralidá Valenciana, y amplíense nel Decretu 158/2002, de 17 de setiembre, pol que s'aprueba'l Reglamentu de l'AVL, concretamente nel so artículu númberu 2:
Académicos Según la llei de creación de l'Academia Valenciana de la Llingua esta tien de tar compuesta por ventiún académicos, que tendrán de tener la condición política de valencianu y ser espertos en valencianu con una acreitada competencia científica y académica, ser unes personalidaes destacaes de les lletres o de la enseñanza en materia llingüística, o tener una producción reconocida nel campu del valencianu o la cultura valenciana. El cargu ye incompatible con cualquier cargu parllamentariu, como diputáu de les Cortes Valencianes o del Congresu de los Diputaos, senador, miembru de dalgún otru Parllamentu Autonómicu o del Parllamentu Européu. Tampoco van poder ser académicos los miembros del Gobiernu d'España o de cualquier gobiernu autonómicu o llocal, los altos cargos de l'Alministración Autonómica y del Estáu, y el personal al serviciu de l'AVL.
Los académicos son nomaos poles Cortes Valencianes por un periodu de quince años. Tres los primeros quince años de la eleición, l'AVL va proceder, por cooptación de los ventiún miembros, a la renovación d'un terciu de los académicos; y, darréu, cada cinco años va anovase otru terciu de los primero escoyíos. El terciu restante va anovase cinco años dempués de la segunda renovación pol mesmu procedimientu, y asina socesivamente cada cinco años.
Académicos n'activu Nel añu 2016, tres el fallecimientu del académicu Josep Lluís Doménech, l'AVL cuenta con 20 académicos, anque nesi mesmu añu s'escoyió per primer vegada los nuevos miembros por aciu'l sistema de cooptación interna.
Ahuir i López, Artur Calpe Climent, Àngel Vicent Cantó Doménech, Verònica (secretaria) Casanova Herrero, Emili Cerdà Sanchis, Immaculada Colomina Castanyer, Jordi Ferrando Francés, Antoni Ferrer Navarro, Ramón (presidente) Maribel Guardiola Hauf i Valls, Albert-Guillem
Martines Peres, Josep Meseguer Pallarés,Lluís Bartomeu Miquel Diego, Carme Mira Casterà, Joan Francesc Mira Gonzàlez, Eduard Montoya Abat, Brauli