Damián Barreiro Maceiras Damián Barreiro gana’l Premiu Fuertes Acevedo con un ensayu sobre’l pesu del audiovisual na construcción d’una identidá elsummum.es Consultao'l 08.12.2018 foi un periodista y ensayista asturianu en llingua asturiana.
Trayeutoria Llicencióse en Periodismu na Universidá del País Vascu y cursó un máster en Xestión Cultural na Universidá Abierta de Cataluña. Amás, na Universidá d'Uviéu consiguió'l títulu d'especialista universitariu n'«Asturies. Espaciu, Patrimoniu, Historia y Cultura»
En setiembre de 2017 incorporóse al equipu d'Europa Press, cubriendo la información d'Asturies y encargándose del serviciu de noticies n'asturianu. Foi guionista de programes divulgativos tocante a música, lliteratura ya historia d'Asturies en medios como la RTPA, Asturies.com o Les Noticies.
Yera militante activu de la Xunta pola Defensa de la Llingua Asturiana. En YouTube xestionaba la canal Horros & Frixuelos na qu'analizaba les rellaciones ente la cultura d'Asturies y la cultura pop contemporanea.
Reconocimientos Ganó trés vegaes el Premiu Máximo Fuertes Acevedo d'ensayu n'asturianu que concede la Conseyería de Cultura, Política Llingüística y Turismu del Principáu d'Asturies. En 2014 féxolo cola obra Caleya Sésamu: el papel de la televisión na tresmisión interxeneracional de la llingua, en 2018 con Asturploitation y en 2022 con Asturianía kitsch: decálogu de la cultura pop ástur. A lo llongo de la so trayeutoria, reconociéronlu con otros gallardones polos sos ensayos tocante a la llingua asturiana y la cultura audiovisual. Tien publicao los llibros L'espeyu onde miranos (Premiu d'Ensayu Fierro Botas) y Yo, la to llingua.
En febreru de 2025, pola mor de la so muerte, recibió un homenaxe del Congresu Mundial de Cultura Asturiana, cellebráu n'Uviéu.
Referencies
Enllaces esternos
Categoría:Escritores d'Asturies Categoría:Periodistes d'Asturies Categoría:Escritores n'asturianu Categoría:Persones d'A Estrada Categoría:Alumnáu de la Universidá d'Uviéu