Frost/Nixon ye una película del 2008 protagonizada por Frank Langella, Michael Sheen, Kevin Bacon, Sam Rockwell, Matthew Macfadyen, Oliver Platt y Rebecca Hall, y dirixida por Ron Howard. La película, adautación de la obra de teatru homónima de Peter Morgan, ta basada na serie de cuatro entevistes realizaes pol periodista David Frost al ex-presidente Richard Nixon, en 1977.
Sinopsis Una serie d'informes de la prensa documentan el papel de Richard Nixon (Frank Langella) nel Escándalu Watergate de 1972, antes del so discursu de dimisión de 1974. Mentanto, David Frost (Michael Sheen) terminó de grabar un episodiu del so programa d'entrevistes n'Australia y na televisión como Nixon abandona la Casa Blanca.
Unes selmanes más tarde na oficina central de London Weekend Television (LWT), Frost alderica la posibilidá d'una entrevista col so productor y amigu, John Birt (Matthew Macfadyen). Cuando Frost menta a Nixon como'l suxetu, Birt dulda de que Nixon va tar dispuestu a falar con Frost. Frost diz-y a Birt que 400 millones de persones vieron l'arrenunciu del presidente Nixon na televisión en vivu.
Nixon ta recuperándose de Flebitis en La Casa Pacifica en San Clemente, California. Ta aldericándose les sos memories col axente lliterariu Irving "Swifty" Lazar (Toby Jones), que-y diz al ex-presidente del pidimientu de Frost pa llevar a cabu una entrevista con una ufierta de 500.000 dólares, y namái dempués de que Lazar contauta a Frost, la ufierta aumentó a 600.000 dólares. Lazar contauta a Frost pa informa-y que Nixon ta comenenciudu, polo que Frost y Birt vuelen a California p'axuntase con Nixon.
Nel avión, Frost conoz a Caroline Cushing (Rebecca Hall), con quien llueu empieza una rellación. En La Casa Pacifica, Frost fai'l primer pagu parcial de $ 200.000. Sicasí'l xefe d'estáu mayor, Jack Brennan (Kevin Bacon), espresa les sos duldes de que Frost va ser capaz de pagar el monto total.
Basada en fechos reales thumb|247px|David Frost –nuna entrevista a Donald Rumsfeld– y Richard Nixon –semeya presidencial–.
La obra de teatru de Peter Morgan de la que ye adautación la película, ta basada na serie de cuatro entevistes realizaes pol periodista Sir David Frost al presidente Nixon en 1977.
La serie llogró la mayor audiencia d'un programa políticu na televisión d'Estaos Xuníos. Los 45 millones d'espectadores que siguieron la primer parte, son un récor qu'entá sigue vixente. El so llexendariu enfrentamientu revolucionó l'arte de la entrevista, camudó l'aspeutu de la política y fixo almitir daqué al ex-presidente que sorprendió a munchos y a él mesmu. Foi una entrevista bien revesosa, y más nel contestu políticu na que foi rodada.
Repartu Frank Langella como Richard Nixon. Michael Sheen como David Frost. Kevin Bacon como Jack Brennan. Oliver Platt como Bob Zelnick. Sam Rockwell como James Reston Jr. Matthew Macfadyen como John Birt. Rebecca Hall como Caroline Cushing. Toby Jones como Swifty Lazar.
Premios
Premios Óscar Añu Categoría Película Resultáu2008Meyor Películacandidatu2008Meyor DirectorRon HowardCandidatu2008Meyor ActorFrank LangellaCandidatu2008Meyor Guión AdautáuPeter MorganCandidatu2008Meyor MontaxeMike HillDan HanleyCandidatos
Premios BAFTA Añu Categoría Película Resultáu2008Meyor PelículaCandidata2008Meyor DirectorRon HowardCandidatu2008Meyor ActorFrank LangellaCandidatu2008Meyor Guión AdautáuPeter MorganCandidatu2008Meyor MontaxeMike HillDan HanleyCandidatos2008Meyor Maquillaxe y PeluqueríaEdouard F. HenriquesKim SantantonioCandidatu
Premios del Sindicatu d'Actores Añu Categoría Película Resultáu2008Meyor RepartuCandidatu2008Meyor ActorFrank LangellaCandidatu
Premiu Globu d'Oru Añu Categoría Película Resultáu2008Meyor Película - DramaCandidata2008Meyor DirectorRon HowardCandidatu2008Meyor Actor - DramaFrank LangellaCandidata2008Meyor GuiónPeter MorganCandidatu2008Meyor banda sonoraHans ZimmerCandidatu
Ver tamién The Nixon Interviews: Artículu na Wikipedia inglesa, sobre les entrevistes realizaes a Nixon por Frost. Escándalu Watergate Richard Nixon
Referencies
Enllaces esternos Sitiu oficial de les entrevistes realizaes a Nixon por David Frost Ficha en IMDb, de les entrevistes realizaes a Nixon por David Frost
Categoría:Películes dramátiques del Reinu Xuníu Categoría:Películes dramátiques d'Estaos Xuníos Categoría:Películes de Francia Categoría:Películes dramátiques Categoría:Películes biográfiques Categoría:Películes polítiques Categoría:Watergate Categoría:Películes basaes n'obres de teatru Categoría:Películes sobre televisión Categoría:Películes sobre periodismu Categoría:Películes candidates al premiu Óscar a la meyor película Categoría:Wikipedia:Páxines con enllaces interllingüísticos