Ramón Pérez Costales Entrada de Ramón Pérez Costales na Enciclopedia d'Uviéu foi un médicu y políticu asturianu.
Biografía Nacíu n'Uviéu en 1832, estudió la carrera de Medicina en Santiago de Compostela, onde la terminó en 1855. Dempués d'empezar a exercer el so oficiu en Talavera de la Reina, opositó a una plaza de médicu militar, siendo destináu a La Coruña. De fuerte mentalidá progresista dexó llueu l'exércitu y arreyóse en distintos movimientos contra Sabela II, lo que-y obligó a colase a Portugal por un tiempu.
En 1868 tres la revolución tornó a La Coruña contribuyendo a estender les idees republicanu-federalistes de la so mentor Pi y Margall. Escoyíu diputáu por La Coruña en 1872, l'añu siguiente propón lo que sería, ensin dulda, el so testu políticu más importante, la propuesta d'Estatutu de Galicia, que nun espolletó pola poca duración de la I República. Esi añu de 1873 foi designáu de volao ministru de Fomentu.
Al terminar la república cola restauración borbónica n'España volvió a La Coruña pa exercer la medicina privada, ensin arrenunciar a les sos idees republicanu y galleguista. A tal fin, promovió l'Academia Gallega, de la que foi nomáu académicu d'honor en 1906, y foi unu de los fundadores de l'asociación “Folclor”.
Bibliografía
Referencies
Enllaces esternos
Categoría:Médicos y médiques d'Asturies Categoría:Políticos y polítiques d'Asturies Categoría:Políticos y polítiques del Partíu Republicanu Democráticu Federal Categoría:Ministros y ministres de Fomentu d'España Categoría:Persones d'Uviéu Categoría:Alumnáu de la Universidá d'Uviéu