José Hevia Campomanes foi un relixosu Orde de Predicadores dominicu y misioneru asturianu.
Biografía Dempués de cursaos los estudios primarios fixo los de Llatinidá y Humanidaes y treslladóse a Ocaña (Toledo) onde tomó l'hábitu de relixosu dominicu, profesando'l 17 de setiembre de 1857.
En 1863 foi treslladáu a les misiones de la Orde de Predicadores establecíes en Filipines, onde terminó d'estudiar Teoloxía na Universidá de Manila. Ellí recibió les órdenes de diáconu en 1863 y de presbíteru en 1864.
Terminada la carrera, en 1864 foi nomáu párrocu de Balanaga (Bataán), y darréu vicariu de Llana Formosa, nel mesmu distritu. En 1867 recibe'l nomamientu de párrocu de Santa Rosa (Biñang) y de Binondo (Manila), hasta 1871 en que ye nomáu Procurador Xeneral de la Provincia Dominicana, yá que ocuparía mientres seis años, volviendo en 1878 a Binondo, onde tuvo hasta 1889. En 1889 foi nomáu Obispu de Nueva Segovia, siendo consagráu como tal na ciudá d'Uviéu n'abril de 1890 y tomando posesión en Vigán el 19 de xunetu de 1891.
Tres la independencia de Filipines tornó a España, onde foi designáu en 1903 como Obispu de Badajoz.
Morrió en Figales de Vargas mientres realizaba una visita pastoral, aquexáu d'una pulmonía.
Obres 1872 - Lleiciones de gramática hispanu-tagala. Manila: Colexu de Santu Tomás (Esta obra tuvo siquier doce ediciones hasta 1922). 1903 - Carta pastoral que per primer vegada dirixe a los sos diocesanos el Ilmo. y Rmo. señor D. Fr. José Hevia Campomanes, Obispu de Badajoz. Badajoz : [s. n.].
Bibliografía GONZÁLEZ POLA, Manuel: "Fray José Hevia Campomanes, dominico y obispo de Nueva Segovia (Filipinas), en la encrucijada de la revolución e independencia de Filipinas". En: Los dominicos en Hispanoamérica y Filipinas a raíz de la guerra de 1898: retos y desafíos de la Orde de Predicadores durante la centuria de 1898 a 1899. Instituto de Estudios Históricos Juan Alejo de Arizmendi, 2001, páxs. 295-329. SUÁREZ FERNÁNDEZ, Constantino: "Hevia Campomanes, (Fr. José)". En: Escritores y artistas asturianos: índice bio-bibliográfico, Madrid, 1936-1959, T. IV, páxs. 469-472. DONGIL Y SÁNCHEZ, Miguel: “Un asturiano que fue obispo de Nueva Segovia, en Filipinas”, en el Boletín de la Archidiócesis de Oviedo ``ESTA HORA´´, nº1292, 24 de payares de 2016, p. 3.
Referencies
Enllaces esternos Lleiciones de gramática hispano-tagala , edición de 1872
Categoría:Sacerdotes católicos d'España Categoría:Relixosos y relixoses d'Asturies Categoría:Dominicos d'España Categoría:Wikipedia:Revisar traducción Categoría:Persones de Ḷḷena