Fulgencio Argüelles ye un escritor y psicólogu asturianu.
Biografía Nacíu na aldega ayerana d'Uriés, estudió psicoloxía nes universidaes de Comillas y Complutense de Madrid, especializándose en psicoloxía del trabayu y de les organizaciones. Dempués d'una llarga estancia en Madrid, en 1997 tornó a Asturies pa morar en Cenera (Mieres), el llugar onde pasara la so infancia y la so mocedá.
Antes de la publicación de la so primer novela recibió dellos premios polos sos rellatu curtios, tantu en castellán (Ayer, Guardo o Internacional de Meres) como n'asturianu (Carreño, Ḷḷena o Bilordios de Pinón).
Publicó les noveles Lletaníes d'agua, Premiu Azorín de 1992; Los clamores de la tierra; Alcordances de dalgún vivir, Premiu Principáu d'Asturies 2000 concedíu pola Fundación Dolores Medio, y El Palacio azul de los ingenieros belgas, Premiu Café Xixón 2003. Tamién publicó los llibros de rellatos Del color de la nada y Seronda, esti postreru n'asturianu y en collaboración col pintor asturianu J. Enrique Maojo.
Obres
Noveles Lletaníes d'agua (Alfaguara, 1993). Novela premiada col premiu Azorín de Novela 1992. Los clamores de la tierra (Alfaguara 1996). Trátase de la crónica histórico y lliterario de los primeros años del reináu de Ramiro I (843-850). Alcordances de dalgún vivir (Nobel 2000), Premiu de Novela Principáu d'Asturies 2000. El Palacio azul de los ingenieros belgas (Cantil 2003), Premiu Café Xixón de Novela 2003, y col Premiu de la Crítica que concede l'Asociación d'Escritores d'Asturies (AEA)a la meyor novela publicada en 2003. A la solombra de los abedurios (TREA 2011) Nun atopo la mio cara n'en l'espeyu (Cantil, 2014) La seronda de la casa de los sauces (Cantil, 2018)
Llibros de rellatos Del color de la nada Seronda (Academia de la Llingua Asturiana 2004): rellatos en llingua asturiana, ilustraos por Jorge Enrique Maojo. Cuentos de fútbol (Alfaguara 1995): obra coleutiva na que participen venticuatro autor, ente otros Atxaga, Benedetti, Bryce Echenique, Delibes, Fernán Gómez, Llamazares, Javier Marías, Manuel Rivas, Roa Bastos, J.L. Sampedro o Manuel Vicent. El rellatu de Fulgencio Argüelles ye'l primeru del volume y lleva el títulu de Cuando los balones volviéronse invisibles. Escribe davezu artículos d'opinión, según crítiques lliteraries nel diariu El Comercio, onde caltién una seición fixa denominada "Llibros de siempre enxamás". Por estos artículos foi-y concedíu'l Premiu de la Crítica que concede l'Asociación d'Escritores d'Asturies (AEA) al columnismo lliterariu en 2012.
Teatru Como una plaga de llagostes (2012) Adautación de la obra Fuenteovejuna de Lope de Vega. La última cena(2013)
Referencies
Enllaces esternos SUPLEMENTO ASTURIES: FULGENCIO ARGÜELLES. Entrevista a Fulgencio Argüelles.
Categoría:Persones d'Ayer Categoría:Escritores d'Asturies Categoría:Sicólogos y sicólogues d'España Categoría:Sicólogos y sicólogues d'España Categoría:Gallardoniaos col Premiu Café Xixón