Fermín López del Vallado y Branat foi un abogáu, políticu y escritor español. Tamién foi alcalde de la ciudá d'Uviéu a principios del sieglu XX.http://el.tesorodeoviedo.es/index.php?title=Ferm%C3%ADn_L%C3%B3pexe_del Vallado
Biografía Nació n'Uviéu en 1845. Yera fíu de Miguel López del Vallado y Arias de Velasco (1809-1888) y de Josefa Branat Riestra, y nietu de Bernard Branat, nacíu en 1778 en Dax, Landes, Aquitania (Francia).
En 1862 ingresó nel Institutu uvieín, llogrando'l 15 de xunu de 1868 el grau de bachiller.
Estudió Derechu, llogrando'l grau de llicenciáu'l 19 de xunu de 1871. Remataos los sos estudios, exerció l'oficiu d'Abogáu como númberu 56 del Colexu Oficial.
Na so faceta d'escritor, publicó diversos artículos pa la prensa católica rexonal, sobre manera nel Diariu de calter tradicionalista fundáu n'Uviéu en 1886 La Cruz de la Victoria.
Participó de manera activa na vida política asturiana, siendo siguidor del sestu conde xixonés de Revillaxixéu.
En 1906 foi nomáu alcalde de la ciudá d'Uviéu, por Real Decretu de 4 de febreru de 1906, calteniendo dichu cargu hasta'l 1 de xunetu de 1909, en que cesó por Real Decretu de 24 de xunu, siendo asocedíu por José Cienfuegos Xovellanos. Mientres el so mandatu acometió la terminación de la trayida d'agües a la ciudá y la reforma de les víes urbanu y rural, y celebráronse los centenarios del llevantamientu de 1808 contra Francia na Guerra d'Independencia, y de la Universidá d'Uviéu.
A lo llargo de la so vida heredó los Palacios familiares del Barzanado, S. XVI (Marcenao o Llatores en dellos escritos y documentos) y de Vallados, sitos n'Uviéu y Llastres respeutivamente.http://www.vivirasturias.com/asturias/oviedo/palacio-de-marcenado-o-latores/es/semeyeshttp://11870.com/pro/palaciu-abarganaos/media/88206112
Unu de los sos hermanos foi'l Padre Felix López del Vallado y Branat, Doctor en Derechu, Rexistrador de la Propiedá, y miembru de la Compañía de Xesús.http://el.tesorodeoviedo.es/index.php?title=F%C3%A9lix_L%C3%B3pez_del Vallado
Casóse dos veces y tuvo trés fíos d'esos matrimonios: María Anunciación López del Vallado y Suarez (heredera del Palaciu de Vallados, que foi convertíu n'hotel), Miguel López del Vallado y Valdes-Busto (Abogáu) y Mª del Carmen López del Vallado y Valdés-Bustu,http://hemeroteca.abc.es/nav/Navigate.exe/hemeroteca/madrid/abc/1964/08/23/086.html que foi la heredera del Palaciu del Barzanado, convertíu en residencia braniza de la familia Fernández y López del Vallado. Al finar Carmen tresmitió'l palaciu a los sos cinco fíos: José María y Pilar Fernández López del Vallado y Fermín, Javier y Pedro Fernández del Vallado López.
Finó'l 1 de xunu de 1912.
En fecha 26 d'avientu de 1975 el Conceyu d'Uviéu alcordó da-y el nome de López del Vallado a una cai de dichu conceyu na so memoria.http://oviedo.callejero.net/calle-de-lopez-del-vallado.html
Referencies
Enllaces esternos
Enciclopedia d'Uviéu "Fermín López del Vallado y Branat" Conseyería de Cultura del Principáu d'Asturies — J. Tolivar Faes, Nomes y coses de les cais d'Uviéu, edit. Conceyu d'Uviéu, 1985. Palaciu del Barzanado (Latores) Palaciu de Vallaos Calle López del Vallado (Uviéu)
Categoría:Abogaos y abogaes d'España Categoría:Alcaldes y alcaldeses d'Uviéu Categoría:Persones d'Uviéu