Pedro Masaveu Peterson foi un empresariu y mecenes uvieín.
Fíu de Pedro Masaveu Masaveu y de Juj Peterson Sjonell estudia derechu na universidá d'Uviéu.
En 1968 ye nomáu, tres la muerte del so padre, conseyeru de Banesto y vicepresidente de la Corporación Industrial del Bancu. Conseyeru d'Hidroeléctrica del Cantábrico y d'innumberables sociedaes.
Xunto cola so hermana María Cristina Masaveu Peterson ostentaben la mayoría del capital de la Corporación Masaveu, conglomeráu d'empreses cementeres y financieres. En setiembre de 1980 ye nomáu primer presidente de la Fundación Príncipe d'Asturies de la cual foi coofundador. En 1987 arrenunció al cargu polos sos problemes de salú.
Mecenes Na so faceta como mecenes destaca la so coleición d'arte. Tres la so muerte, parte d'ella pasó a manes del Principáu d'Asturies como pagu de los derechos d'heriedu. La coleición taba integrada por cuadros de pintores de los sieglos XIV al XX destacando Berruguete, Ribera, Zurbarán, El Greco, Rubens y Goya.
Méritos En 1984 foi-y concedida la Gran Cruz de la Orde del Méritu Civil.
Referencies
Enllaces esternos
Categoría:Empresarios y empresaries d'Asturies Categoría:Corporación Masaveu Categoría:Persones d'Uviéu