Jesús Enrique Iglesias Fernández ye un políticu asturianu, senador dende l'añu 2012.
Biografía Llicenciáu en derechu pola Universidá d'Uviéu. En 1975 ingresa na Unión de Mocedaes Comunistes d'España, incorporándose, en 1982, al Partíu Comunista d'España.
Ye coordinador d'Izquierda Xunida d'Asturies dende 2000, voceru del Grupu Parllamentariu d'IX-BA-LV nel parllamentu asturianu. Ye responsable del Grupu Parllamentariu nes Comisiones d'Economía y Asuntos Europeos; ya Industria y Emplegu.
Participó nos movimientos sociales que finalmente dieron llugar a la creación d'Izquierda Xunida, siendo yá cabeza de llista nes eleiciones municipales de 1991 per Xixón, siendo dende entós poztavoz del grupu nel Conceyu hasta'l 2000 y desempeñando un puestu nel Conseyu d'Alministración de Caja Asturies en representación del Conceyu de Xixón.
Dende 1998 desenvuelve'l so llabor como responsable de Política Municipal d'Izquierda Xunida n'Asturies. Nel 2000 ye nomáu Coordinador Xeneral d'Izquierda Xunida d'Asturies, llogrando roblar un pactu de gobiernu col PSOE y Bloque por Asturies pol cual IX pasa a formar parte del Gobiernu del Principáu d'Asturies.
Nel añu 2012, arrenunció a presentase a la reelección como coordinador. Asina mesmu, foi designáu como senador pola Xunta Xeneral del Principáu d'Asturies, colos votos del so grupu y del socialista.Jesús Iglesias (IX) y Martínez Oblanca (Foru), senadores pol Principáu Esti sofitu foi frutu del alcuerdu de invistidura pa escoyer a Javier Fernández Fernández como presidente del Principáu.El puestu de senador que designa'l PSOE, primer discutiniu nel pactu con IX
Arrenunció al escañu de diputáu na Xunta Xeneral del Principáu d'Asturies el 5 de xunetu de 2012.
En terminando la llexislatura como senador per Asturies, retornó al so oficiu como abogáu. El senador Jesús Iglesias (IX) dexa la política y vuelve a l'abogacía
Cargos desempeñaos
Coordinador d'IX d'Asturies (2000-2012). Diputáu na Xunta xeneral del Principáu d'Asturies (2007-2012). Voceru del Grupu d'IX na Xunta Xeneral del Principáu d'Asturies (2007-2012). Senador designáu pola Xunta Xeneral del Principáu d'Asturies (Dende 2012).
Referencies
Enllaces esternos Biografía na páxina d'Izquierda Xunida d'Asturies. Ficha nel sitiu web del Senáu
Categoría:Políticos y polítiques de Xixón Categoría:Políticos y polítiques d'Izquierda Xunida Categoría:Conceyales nel Conceyu de Xixón Categoría:Senadores d'España Categoría:Senadores per designación de la Xunta Xeneral del Principáu d'Asturies Categoría:Diputaos y diputaes de la Xunta Xeneral del Principáu d'Asturies Categoría:Alumnáu de la Universidá d'Uviéu