Sagrario Martínez Carrera foi una química española.
Biografía En 1948 llicencióse en Ciencies Químiques na Universidá Complutense de Madrid y en 1955 llogró un doctoráu.Sagrario Martínez-Carrera (1925–2011) Foi profesora d'Investigación del Conseyu Cimeru d'Investigaciones Científiques (CSIC), trabayó nel Departamentu de Cristalografía del Institutu de Química Física "Rocasolano" de Madrid dende 1950. Esti Departamentu puede considerase herederu de la Seición de Rayos X que formó Julio Palacios en 1948 nel Institutu Alonso Santa Cruz. Realizó estancies postdoctorales na Universidá d'Ámsterdam.
En 1962 ingresó na Universidá de Pittsburg, n'Estaos Xuníos, onde aprendió cálculu electrónicu, que punxo a puntu a la so vuelta a Madrid y que-y dexaron avanzar nel estudiu estructures cristalines. Formó parte del Grupu Español de Cristalografía y Crecedera Cristalina, del Comité Español de Cristalografía. Tamién trabayó pa la Unión Internacional de Cristalografía, de fechu en 1956 coorganizó en Madrid la primer xunta internacional d'esta sociedá.
En 1974 desenvolvió un importante trabayu na organización d'una conferencia internacional sobre Dispersión Anómala. Asistieron personalidaes cinetíficas de la talla de Dorothy Hodgkin, Premiu Nobel de Química, 1964, Paul P. Ewald y Rudolf Mössbauer ente otros.
Xugó un papel fundamental na introducción n'España de la programación informática en cristalografía. La importancia del so trabayu científicu foi reconocida por autores internacionales, siendo citada en "Women of Science, Righting the Record", editáu por G. Kass Simon y Patricia Farnes y en "Notable Women Scientists", editáu por Pamela Proffitt. Realizó xeres de xestión y tuvo gran importancia na organización del CSIC, formó parte del Comité Científicu Asesor.
Referencies
Enllaces esternos
Categoría:Químicos y químiques d'España Categoría:Científicos y científiques d'España Categoría:Cristalógrafos y cristalógrafes Categoría:Persones de Madrid