Isabelle Stone foi una física d'Estaos Xuníos y una de los fundadores de l'American Physical Society. Foi la primer muyer en llograr un doctoráu en Física nos Estaos Xuníos.
Biografía Isabelle Stone nació en 1868 en Chicago, Illinois, yera fía de Harriet y Leander Stone. Estudió la llicenciatura nel Wellesley College titulándose en 1890 y la maestría en Ciencies na Universidá de Chicago, d'onde se graduó en 1896. Darréu realizó estudios de doctoráu na Universidá de Chicago, convirtiéndose na primer muyer en llograr un doctoráu en Física nos Estaos Xuníos en 1897.
Stone investigó sobre la resistencia llétrica y otres propiedaes de les películes delgaes. La so tesis, On the Electrical Resistance of Thin Films, demostró que les películes de metal bien delgáu amosaron una resistencia más alta que les pieces de metal más avolumáu.
Stone foi profesora en delles universidaes, ente elles la Bryn Mawr School y el Vassar College y foi una de los fundadores de l'American Physical Society. De los 836 asistentes al Primer Congresu Internacional de Física en París, foi una de les dos muyeres presentes, la otra foi Marie Curie.
La fecha exacta de la so muerte ye desconocida.
Referencies
Enllaces esternos
Categoría:Físicos y físiques d'Estaos Xuníos Categoría:Persones de Chicago