Klement Gottwald foi un destacáu políticu comunista checoslovacu, qu'a lo llargo de la so carrera ocupó los cargos Secretariu Xeneral y líder del Partíu Comunista de Checoslovaquia (1929-1953), Primer Ministru (1946-1948) y Presidente de la República (1948-1953).
Biografía Mientres la Primer Guerra Mundial Gottwald lluchó encuadráu nel Exércitu Austrohúngaru.Bernard A. Cook (2001). Europe Since 1945: An Encyclopedia, Volume 1, páx. 526
Fundador del Partíu Comunista de Checoslovaquia (KSC) en 1921, hasta 1926 foi l'editor del so órganu Rudé právo y lliberáu n'Eslovaquia. Miembru del Comité Central dende 1925, foi Presidente de la Comisión Central Política y de Propaganda (1926-1929), diputáu (1929-1948) y Secretariu de la Internacional Comunista (1935-1943).
Mientres la ocupación nazi del país (1938-1945) se exilió na Xunión Soviética, dende onde siguió dirixendo'l Partíu. En marzu de 1945, Edvard Beneš, Presidente eleutu de Checoslovaquia (1935-1938) y líder del Gobiernu Checoslovacu nel Exiliu en Londres dende 1941, aportó a formar un gobiernu de coalición basáu nel Frente Nacional xunto a Gottwald. Electu miembru del primer gobiernu checoslovacu de posguerra tres les eleiciones de 1946, nes cualos los comunistes yeren el partíu más votáu, Gottwald foi nomáu Primer Ministru.Bernard A. Cook (2001). Europe Since 1945: An Encyclopedia, Volume 1, páx. 108
El 9 de mayu de 1948, tres el Golpe de Praga de febreru d'esi añu que llevó al Partíu Comunista al poder, l'Asamblea Nacional aprobó una nueva carta magna (la Constitución del 9 de mayu). El Presidente Benes refugó roblar la nueva llexislación y dimitió el 7 de xunu (morrería tres meses dempués). El 14 de xunu, el parllamentu escoyó a Klement Gottwald como Presidente del país. Lleal estalinista, dirigó les nacionalizaciones de la industria y la coleutivización de l'agricultura. Ante les primeres resistencies a la influencies del Partíu Comunista de la Xunión Soviética (PCUS) na política checoslovaca Gottwald socatró una serie de purgues, primero cesando a los dirixentes non comunistes y más tarde a importantes dirixentes del KSC como'l so Secretariu Xeneral, Rudolf Slansky, o'l Ministru d'Asuntos Esteriores, Vlado Clementis, executaos tres los Xuicios de Praga de 1951.
Gottwald finó en 1953,Bernard A. Cook (2001). Europe Since 1945: An Encyclopedia, Volume 1, páx. 251 tan solu cinco díes dempués d'asistir al funeral de Stalin en Moscú, el 9 de marzu. Morrió por cuenta de la obstrucción d'una arteria productu d'un enllargáu infartu. Foi releváu como Presidente de la República por Antonín Zápotocký, Primer Ministru dende 1948 y como líder del Partíu por Antonín Novotný. Darréu dar# en embalsamar el so cádaver y empezaron les obres p'alza-y un mausoléu nel llugar del monumentu a Jan Žižka nel distritu Žižkov de Praga. L'embalsamamientu nun dio resultáu y la momia descompúnxose, polo que foi incineráu en 1962.
Homenaxes póstumos thumb|Celebración del Día Internacional de la Infancia de 1949, en Budapest, Hungría. La semeya amuesa la delegación de Checoslovaquia a la izquierda ye una semeya Gottwald, a la derecha de Stalin.
Dellos llugares fueron renomaos nel so honor: Zlín, ciudá de Moravia, foi renomada Gottwaldov ente 1949 y 1990; Zmiiv, ciudá del Óblast de Kharkiv n'Ucraína, foi renomada Hotvald (1976-1990); la Plaza de la Llibertá de Bratislava (capital de Eslovaquia) foi renomada "Plaza de Gottwald". Tamién se renombró una condecoración, que pasó a llamase Orde de Klement Gottwald pola Construcción de la Patria Socialista.
Ver tamién Historia de Checoslovaquia Orde de Klement Gottwald Partíu Comunista de Checoslovaquia República Socialista de Checoslovaquia
Referencies
Enllaces esternos
Categoría:Persones de Checoslovaquia Categoría:Políticos y polítiques de la Segunda Guerra Mundial Categoría:Presidentes de Checoslovaquia Categoría:Comunistes de Chequia Categoría:Secretarios xenerales de partíos comunistes Categoría:Primeros ministros de Checoslovaquia Categoría:Persones de Chequia