Lansana Cunté "Guinea's long-time military leader Conte dies", AFP, 23 December 2008. foi un políticu y militar de Guinea, presidente del país dende'l 5 d'abril de 1984 hasta la so muerte. Foi miembru del Partíu de la Unidá y el Progresu, partíu predominante en Guinea. Perteneciente a la etnia Soussou.
Golpe d'estáu y presidencia Llegó al poder al traviés d'un golpe d'estáu. Foi lleváu a cabu'l 3 d'abril de 1984 escontra'l presidente interín, Louis Lansana Beavogui, tres la muerte d'Ahmed Sékou Touré, primer presidente de Guinea. Cunté denunció los abusos de los derechos humanos del réxime de Touré, lliberó a 250 prisioneros políticos y pidió'l regresu de los exiliaos. Amás, el comité Militar de Rexeneración, lideráu por Cunté suspendió la Constitución y esllió l'Asamblea Nacional. El mesmu añu del so ascensu al poder, el gobiernu de Cunté superó un intentu de golpe d'estáu orquestáu pol Coronel Diara Traoré, que fuera Primer Ministru nos empiezos de la presidencia de Cunté.Ministeriu d'Asuntos Esteriores d'España, Monografía de Guinea, págs. 11-20 (edición 16-2-2008)
Nueva constitución y reformes A partir de 1990 el gobiernu de Cunté empecipió un procesu de democratización que remató na aprobación d'una nueva Constitución en 1992. En 1998 celebráronse eleiciones presidenciales. Nelles Cunté enfrentóse a otros cuatro candidatos, ganando con más del 50% de los votos, faciendo innecesaria una segunda vuelta. La oposición acusó al gobiernu de fraude eleutoral. En xunu de 2001 Cunté fizo un cambéu constitucional qu'esanició la llende de dos mandatos, dexándo-y presentase en forma consecutiva. El cambéu aprobóse al traviés d'un referéndum bien criticáu pola oposición. Nes últimes eleiciones llogró más del 90% de los votos gracies al boicó de la mayoría de la oposición.
Decesu Cunté morrió'l 22 d'avientu de 2008 por cuenta de una enfermedá terminal. Tres la so muerte prodúxose un golpe d'estáu per parte del exércitu qu'esllió'l gobiernu. La constitución espresaba que Cunté tenía de ser sustituyíu por Aboubacar Somparé presidente de l'Asamblea Nacional.
Referencies
Enllaces esternos
Biografía n'español per Fundación CIDOB
Categoría:Políticos y polítiques de Guinea Categoría:Dictadores Categoría:Presidentes de Guinea