Ramón Magsaysay y del Fierro foi'l tercer presidente de la Tercer República de Filipines dende'l 30 d'avientu de 1953 hasta la so muerte. Pertenecía al partíu Nacionalista Filipín (Nacionalista Party). Foi'l primer presidente filipín nacíu nel sieglu XX y el primeru en nacer depués de la era colonial española.
Biografía Ramón Magsaysay nació n'Iba, Zambales, fíu d'Exequiel Magsaysay y Perfecta del Fierro. Entamó un grupu de resistencia contra los xaponeses mientres la Segunda Guerra Mundial. Mientres la guerra fría lluchó contra'l comunismu, siempres dende un allugamientu dafechu allegáu al de los Estaos Xuníos.
El 17 de marzu de 1957, Masgsaysay morrió nun accidente d'avión, cuando inda-y quedaba enforma tiempu de presidencia, asumiendo'l so cargu'l so vicepresidente, Carlos P. García.
Referencies
Enllaces esternos
Categoría:Políticos y polítiques de Filipines Categoría:Presidentes de Filipines Categoría:Doctores honoris causa pola Universidá de La Salle–Manila