Eddie Fenech Adami ye un políticu maltés que foi primer ministru de Malta de 1987 a 1996 y de 1998 a 2004 y presidente de Malta de 2004 a 2009.
Biografía Cursó los sos estudios na Universidá de Malta y llicencióse en Ciencies Económiques y doctoróse en Derechu. Miembru del Partíu Nacionalista de Malta, foi escoyíu per vegada primera pa la Cámara de Representantes en 1969. Trabayó como abogáu hasta 1981 y dirixó la revista Il-Poplu. Foi nomáu primer ministru en 1987 hasta 1996 y dempués dende 1998 a 2004. Defensor de la integración de Malta na Xunión Europea, convocó un referéndum en 2003 qu'aprobó la integración. Foi escoyíu presidente de la República en 4 d'abril de 2004. Casóse con Mary Sciberras y tuvieron cinco fíos John, Beppe, Michael, María y Luigi.
Eddie Fenech Adami ye Miembru Honorariu de la Fundación Internacional Raoul Wallenberg.
Referencies
Enllaces esternos
Categoría:Presidentes de Malta Categoría:Políticos y polítiques de Malta Categoría:Políticos y polítiques demócrata-cristianos de Malta