Juan Antonio Marín LozanoMarín Lozano, Juan Antonio, Parllamentu d'Andalucía ye un empresariu y políticu español, candidatu de Ciudadanos – Partíu de la Ciudadanía a la Presidencia de la Xunta d'Andalucía. Tamién foi téunicu de voleibol. Ta casáu y ye padre de dos fíos.
Biografía Empecipió Rellaciones Llaborales, pero en 1981 dexó los estudios pa encargase del negociu de xoyería y reloxería de la so familia. Tamién presidió la Asociación de Comerciantes de la so ciudá natal.
En 2006, tres una convocatoria de fuelga de basures, cofundó el partíu Ciudadanos Independientes de Sanlúcar, que al añu siguiente llogró trés conceyales y empezó a gobernar en coalición col PSOE nel conceyu, acabando cola mayoría absoluta del PP. Juan Marín aportó al puestu de primer teniente d'alcalde, dirixendo delles árees, como Promoción de la ciudá y Fomentu d'Empreses.
En 2011, en recibiendo la llamada d'un voceru de Ciudadanos Partíu de la Ciudadanía, empecipió la so collaboración con dichu partíu al haber atopáu nexos comunes ente dichu partíu y el suyu local, Ciudadanos Independientes de Sanlúcar. A partir de dicha collaboración, Ciudadanos asitiaría la primer piedra de la implantación de la so formación na Comunidá Autónoma d'Andalucía, convirtiendo a Juan Marín en impulsor de Movimientu Ciudadanu, ensin dexar de llau'l so cargu de Conceyal nel Conceyu de Sanlúcar de Barrameda.
En 2015 Juan Marín recibe la llamada de Fran Hervías, Secretariu d'Organización del partíu, pidiéndo-y que se presentara a les primaries del so partíu pa encabezar la llista de la formación a la presidencia de la Xunta d'Andalucía. Una vegada presentóse a diches primaries, Juan Marín foi escoyíu como tal polos afiliaos de la formación naranxa n'Andalucía, dándose'l casu de que nengún otru afiliáu na Comunidá Autónoma pudo llograr el númberu mínimu d'avales pa ostentar dichu cargu, polo que Juan Marín nun tuvo una oposición direuta nesti procesu.
El 22 de marzu de 2015, yá como cabeza de llista de Ciudadanos Partíu de la Ciudadanía n'Andalucía, llogra 9 escaños nel Parllamentu d'Andalucía.
Referencies
Enllaces esternos
Categoría:Políticos y polítiques de Ciudadanos Partíu de la Ciudadanía Categoría:Diputaos y diputaes del Parllamentu d'Andalucía Categoría:Persones de la provincia de Cádiz