Cristina de Hesse foi duquesa consorte de Holstein-Gottorp como esposa del duque Adolfo de Holstein-Gottorp. Ella exerció cierta influencia política como viuda dempués de 1586.
Biografía Cristina nació en Kassel como fía de Landgrave Felipe I de Hesse y la so esposa Cristina de Saxonia. Dióse-y una estricta educación protestante pola so tía Isabel, duquesa viuda de Saxonia, pos la so madre morrió nel so sestu añu de vida.
Ella recibió una propuesta del rei Erico XIV de Suecia, pero esto nun asocedió, pos el so padre prefirió a unu de los sos confidentes.
Casóse'l 17 d'avientu de 1564 en Gottorp col duque Adolfo de Holstein-Gottorp (1526-1586). La celebración de la boda dio llugar a un escándalu, cuando los invitaos a la receición de la boda consumieron demasiao alcohol. En 1565, l'ala del Castiellu de Gottorp, na que la pareya tenía los sos aposentos privaos, foi amenorgada a cenices; ente que los efeutos personales y tamién dineru contante fueren destruyíos.
Cristina encargóse diligentemente d'educar a los sos fíos. Como duquesa, Cristina sofitó ilesies y escueles y dio beques pa estudiantes na teoloxía. Ella taba interesada na medicina, y tamién fabricaba les sos propies melecines.
Como viuda dempués de 1586, defendió los derechos del so fíu Felipe contra'l conseyu. Cristina escribió un llibru de salmos Geistliche Psalmen und Lieder (Schleswig, 1590) y otru d'oraciones Gebetbuch (Lübeck, 1601).
Descendencia Del so matrimoniu col duque Adolfo de Holstein-Gottorp tuvo los siguientes fíos:
Federico (21 d'abril de 1568 - 15 de xunu de 1587), socesor del so padre. Sofía (1569-1634), casada'l 17 de febreru de 1588 col duque Xuan VII de Mecklemburgu. Felipe (1570-1590), socesor del so hermanu Federico II nel ducáu. Cristina (1573-1625), casada con Carlos IX de Suecia, madre de Gustavo II Adolfo. Isabel (1574-1587). Juan Adolfo (1575-1616), arzobispu luteranu de Bremen (1585-1596), príncipe-obispu luteranu de Lübeck (1586-1607) y socesor del so hermanu Felipe nel ducáu. Ana (1575-1625), casada col conde Enno III de Frisia Oriental. Cristián (1576-1577). Inés (1578-1627). Juan Federico (1579-1634), arzobispu luteranu de Bremen (1596-1634) y obispu luteranu de Verden (1631-1634).
Referencies Xenealoxía
Bibliografía Ludwig Aegidi: Das Erbfolgerrecht Herzog Friedrich's VIII. auf die Herzogthümer Schleswig. Kiel 1865, S. 49 (Dixitalizáu) Karl Bernhardi: Christine. In: Allgemeine Deutsche Biographie (ADB). Band 4, Duncker & Humblot, Leipzig 1876, S. 218 f. Johannes Voigt: Die Erb-Ansprüche des Brandenburgischen Hauses an die Herzogthümer Schleswig-Holstein, in: Allgemeine Zeitschrift für Geschichte, VII (1847), S. 193–261, hier insbesondere: S. 218 f. (Dixitalizáu)
Referencies
Enllaces esternos
Categoría:Casa de Hesse Categoría:Persones de Kassel Categoría:Casa de Holstein-Gottorp