Marina Tabassum ye una arquiteuta bangladexina. Ye titular de la oficina que lleva'l so nome (MTA). En 2016, ganó'l Premiu Aga Khan d'Arquiteutura pol diseñu de la mezquita Bait-ur-Rouf en Dhaka (Bangladex).
Vida temprana y educación Tabassum nació en Dhaka (Bangladex), fía d'un oncólogu. La so familia migró a Dhaka dende la India mientres la partición de Bengala en 1947. Allegó a la Escuela pa neñes de la Santa Cruz onde cursó la so educación primaria y secundaria. Depués estudió arquiteutura na Universidá d'Inxeniería y Teunoloxía de Bangladex, onde se graduó en 1994.
Carrera En 1995 Tabassum fundó URBANA, una oficina d'arquiteutura con base en Dhaka (Bangladex), xunto a Kashef Chowdhury.
En 1997, con solu dos años de práutica, la oficina ganó una prestixosa competición nacional pol diseñu del Monumentu a la Independencia Bangladexina y el Muséu de la Guerra de Lliberación. Les obres fueron de bien lenta ejecucion, se inciaron en 1999 y concluyeron en 2007. Sicasí'l conxuntu nun foi inauguráu hasta'l 2013. Consiste nuna gran plaza y plataforma semihundida, señalada por una torre de lluz.
En 2005, Marina Tabassum eslleió la so sociedá de diez años n'URBANA pa establecer la so propia oficina (Marina Tabassum Arquiteutos). MTA trabaya na busca d'un llinguaxe arquiteutónicu contemporaneu y al empar enraigonáu a la rexón. En llinia con esta busca escueyen curioso los proyeutos nos que participen y llindar a una pequeña cantidá per añu.
Marina Tabassum ye, dende 2005, profesora visitante na Universidá de BRAC.
Ye la direutora del Programa Académicu del Institutu Bengalí d'Arquiteutura, Paisaxes y Asentamientos, dende 2015.
Dictó un Estudiu Avanzáu de Diseñu como profesora visitante na Universidá de Texas.
Tabassum dio conferencies y presentó los sos trabayos ya idees sobre l'arquiteutura en dellos y prestixosos eventos internacionales d'arquiteutura. Curó exhibiciones y dirixó simposios d'arquiteutura en Dhaka (Bangladex).
Tabassum recibió'l premiu Ananya Shirshwa Dash en 2004. Esi mesmu añu, el so proyeutu Departamentu-Pabellón en Dhaka, foi escoyíu pal Aga Khan Award.
Anque foi en 2016 que ganó esti premiu, pol proyeutu de la Mezquita Bait Ur Rouf en Dhaka, que la so obra fore concluida en 2012.
Obres Mezquita Bait Ur Rouf en Dhaka, 2012 Monumentu a la Independencia Bangladexina y el Muséu de la Guerra de Lliberación, 1997-2013 Departamentu-Pabellón en Dhaka
Premios y honores Aga Khan Award for Architecture (2016) Segundu llugar nel Concursu arquiteutónicu de Nishorgo.(2006) Finalista del Premiu Aga Khan por A5, un pabellón. (2004) Anannya Top Ten Awards (2004) Premiu al Arquiteutu del Añu, pol vice presidente Indú Bhairon Singh Shekhawat (2001)
Referencies
Enllaces esternos Esti artículu o parte d'él deriva de la páxina Montaner, Josep Maria (2015) Marina Tabassum 1968 del portal Un día / una arquiteuta, que los sos conteníos orixinales tán publicaos so la Llicencia Creative Commons Atribución-CompartirIgual 4.0 Internacional
Categoría:Arquiteutos y arquiteutes de Bangladex Categoría:Persones de Dhaka