Jimena Florit ye una ciclista d'Arxentina, especialista en competiciones de bicicleta de monte. En 2000 recibió'l Premiu Konex como una de les 5 meyores ciclistes de la década n'Arxentina.
Trayeutoria Representó en dos vegaes al so país nos Xuegos Olímpicos, na edición de 2000 y na de 2004, terminando en 20ª y 12ª posición final, llegando a tar nos postreros como cuarta clasificada. En 2003 ganó la medaya d'oru nos Xuegos Panamericanos en Santu Domingu, República Dominicana, ganando a l'americana Mary McConneloug y a la chilena Francisca Campos. Tamién disputó'l Campeonatu del Mundu en 2001 y terminó en 15ᵘ llugar. Na edición del añu 2000 celebrada en Sierra Nevada foi octava. Enantes tamién disputara los Campeonatos del Mundu de 1998 y 1999 siendo 19ª y 23ª respeutivamente. Volvió disputar un Campeonatu del Mundu en 2003, siendo 29ª clasificada y al añu siguiente volvió participar, siendo 15ª. Esi añu tamién foi al Campeonatu del mundu de Maratón y foi 25ª.
Amás consiguió otros dos medayes de bronce nos Xuegos Panamericanos, una medaya d'oru continental, un campeonatu arxentín, cuatro campeonatos NORBA (2 STXC y 2 XC) y siete NORBAS ganaes. A finales de 2004 anuncióse la so retirada de la competición tres 10 años en grandes campeonatos. Una de les razones del abandonu pudo ser la desapaición del so equipu, RLX Ralph Lauren, pa la siguiente temporada. En 2006 volvió competir y ganó l'oru nos Xuegos Odesur.
Palmarés Oru nos Xuegos Panamericanos de 2003. Bronce nos Xuegos Panamericanos de 1995. Bronce nos Xuegos Panamericanos de 1999. Campeona NORBA XC (2002) y 4 victories parciales. Campeona NORBA STXC (2000). Campeona NORBA STXC (2001) y 1 victoria parcial. Subcampeona NORBA STXC (2002). Subcampeona NORBA STXC (1999). Campeona del Mercury Tour (1999). Campeona del Mercury Tour (2000). 3ᵉʳ puestu nel Mercury Tour (1998). Premiu Iron Otter (2001). Campeonatu nacional d'Arxentina (1995). Oru nos Xuegos Odesur (2006).
Estadístiques
Clubes ClubPaísAñuSpecialized ArgentinaArxentina1994 -1997Headshok/Cannondale1998RLX/Polo Sport1999 - 2002
Referencies
Enllaces esternos Ficha en Sports Reference
Categoría:Ciclistes de monte Categoría:Deportistes nos Xuegos Olímpicos de Sydney 2000 Categoría:Deportistes nos Xuegos Olímpicos d'Atenes 2004 Categoría:Persones de Buenos Aires