Arike Ogunbowale ye una xugadora d'Estaos Xuníos de baloncestu na Universidá de Notre Dame.
Carrera secundaria Ogunbowale xugó al baloncestu de la escuela secundaria en Divine Savior Holy Angels High School en Milwaukee. Na temporada 2014-2015, l'equipu ganó'l títulu de la División I de l'Asociación Atlética Interescolar de Wisconsin, con Ogunbowale permediando 27.2 puntos per xuegu. Ogunbowale foi nomada Wisconsin Miss Basketball 2015 y foi una seleición de McDonald's High School All-America.
Carrera universitaria Ogunbowale permedió 11.4 puntos per xuegu nel so primer añu en Notre Dame como xugadora de reserva, y convirtióse en titular regular el próximu añu.
Na so temporada junior, Ogunbowale ayudó a los Fighting Irish a ganar el Tornéu de Baloncestu Femenín de la División I de la NCAA de 2018, ganando canastes ganadores na semifinal contra Connecticut y na final contra'l Mississippi State.
Dancing with the Stars N'abril de 2018, Ogunbowale foi anunciada como una de les celebridaes que van competir na temporada 26 de Dancing with the Stars. Ella foi empareyada col baillarín profesional Gleb Savchenko. La pareya foi esaniciada na segunda selmana de la temporada nuna doble eliminación, quedando nel séptimu puestu.
Vida personal Ogunbowale nació en Milwaukee, Wisconsin, fía de Yolanda y Gregory Ogunbowale, siendo la menor de trés fíos. La madre de Arike, Yolanda, xugaba al sóftbol na Universidá DePaul y el so hermanu Dare xugaba al fútbol na Universidá de Wisconsin.
De 2009 a 2012, Ogunbowale foi parte de cuatro equipos de fútbol ganador de la Copa de Wisconsin.
Referencies
Enllaces esternos
Categoría:Xugadores de baloncestu de Wisconsin Categoría:Persones de Milwaukee