Kim Yong-nam (; ) foi'l xefe d'Estáu de Corea del Norte dende'l 5 de setiembre de 1998, hasta'l 11 d'abril de 2019, col cargu de Presidente de l'Asamblea Suprema del Pueblu.Ministeriu d'Asuntos Esteriores d'España, Monografía de Corea del Norte (setiembre de 2008) páx. 32 Primeramente foi Ministru d'Esteriores dende 1983 a 1998. En función del so cargu representa a Corea del Norte en viaxes internacionales y asina realizó visites institucionales a diversos países como Mongolia, Arxelia, Exiptu y Singapur, amás de realizar una xira por África en marzu de 2008.
Vida y carrera Nació en Pyong Yang el 4 de febreru de 1928. Dempués de graduase na universidá, trabayó como profesor na Escuela Central del Partíu del Trabayu de Corea, foi subdireutor de departamentu nel Comité Central del PTC, Viceministru d'Asuntos Esteriores, y el primer subxefe de departamentu, direutor de departamentu y secretariu del Comité Central del PTC, vicepremier del Conseyu d'Alministración y coles mesmes Ministru d'Asuntos Esteriores.
En 1998 foi condecoráu como Héroe del Trabayu de la República Popular Democrática de Corea por «contribuyir en gran midida al fortalecimientu y desenvolvimientu del Partíu y al aumentu de l'autoridá internacional del país».
Kim embarcar nuna xira de dos selmanes por Mongolia, Arxelia, Exiptu, Etiopía y Singapur el 20 de xunetu de 2007. El 18 de marzu de 2008 entamó una xira de bona voluntá por cuatro Estaos africanos. Llegando a Namibia el 20 de marzu, tuvo presente pa la inauguración d'una nueva residencia presidencial que foi construyida por Corea del Norte. Tamién caltuvo conversaciones col presidente namibianu Hifikepunye Pohamba y robló un alcuerdu de cooperación en salú pública ente Corea del Norte y Namibia. Darréu visitó Angola, onde s'axuntó col entós presidente José Eduardo dos Santos el 24 de marzu. Tamién visitó la República Democrática d'El Congu, onde s'axuntó col presidente Joseph Kabila el 26 de marzu y, finalmente, visitó Uganda, onde s'axuntó col presidente Yoweri Museveni el 29 de marzu. Tornó a Corea del Norte el 1 d'abril.
Kim tamién asistió a la ceremonia d'apertura de los Xuegos Olímpicos de Beixín el 8 d'agostu de 2008, según los Xuegos Olímpicos d'Iviernu de 2014 en Sochi (Rusia).
Kim representó a Corea del Norte nel desfile del 9 de mayu de 2015 en Moscú, en conmemoración del 70º aniversariu de la derrota de l'Alemaña nazi na Segunda Guerra Mundial.
Tamién visitó Guinea Ecuatorial el 19 de mayu de 2016 pa participar na ceremonia de toma de posesión del presidente Teodoro Obiang Nguema.
Metanes la escalada de sanciones d'Estaos Xuníos contra Irán y Corea del Norte, Kim Yong-nam realizó una visita de 10 díes a Teḥrán (capital de la República Islámica d'Irán) n'agostu de 2017. El so mas recién visita oficial foi a la inauguración de los xuegos olímpicos d'iviernu 2018, el 9 de febreru, encabezando la delegación olímpica de la so pais, y con ello empecipiando un procesu de distensión y acercamientu ente'l so país y Corea del Sur.
Retirada y muerte Kim retiróse nel 11 d'abril de 2019, nuna reorganización del gobiernu, a los 91 años, dempués de casi 21 años como presidente del Presidium de la SPA y casi 41 años como miembru del Politburó del Partíu de los Trabayadores de Corea (foi escoyíu per primer vegada n'agostu de 1978). Mientres la celebración de 2022 del Día de la Fundación de la República, participó nel conciertu central y nel banquete que tuvieron llugar nel patiu del Salón d'Asamblees de Mansudae. En 2024 asistió a una ceremonia conmemorando'l 30 aniversariu de la muerte de Kim Il Sung.
Según l'Axencia Central de Noticies de Corea (KCNA), Kim recibía tratamientu por un cáncer de colon na so cama d'hospital dende xunu de 2024. Morrió por fallos múltiples d'órganos el 3 de payares de 2025, a los 97 años. La KCNA tamién informó de que'l líder norcoreanu Kim Jong Un visitó la capiella ardiente de Kim Yong-nam pa espresar fondu pésame pola so muerte. Foi enterráu nel Cementeriu de Mártires Patrióticos en Pyongyang, siguíu d'un funeral d'Estáu'l 5 de payares.
Referencies
Enllaces esternos
Categoría:Persones de Pyong Yang Categoría:Gobernantes de Corea del Norte Categoría:Héroe del Trabayu de la República Popular Democrática de Corea