Ciguñuela ye un conceyu d'España, na provincia de Valladolid (a 12 km de la capital),na comunidá autónoma de Castiella y Lleón. Tien una superficie de 30,40 km² con una población de 384 habitantes (2016) y una densidá de 13,30 hab/km².
Llocalidá asitiada nel Camín de Santiago de Madrid.
Historia thumb|left|Vista panorámica de la llocalidá, segunda metá del sieglu XX. thumb|left|Imaxe d'una cai del conceyu, segunda metá del sieglu XX. A principios del sieglu XX tenía unos 650 habitantes.
El 21 de xineru de 1916 una disputa ente dos families engarraes acabó con trés muertos y dellos mancaos.Odiar hasta matar, El Norte de Castilla (29/01/2016)
Economía
Los sos habitantes dedíquense a l'agricultura (cultivos de trigu y cebada), ganadería y sector servicios. El paisaxe de Ciguñuela ye típicamente castellanu. Anchos pandoriales, con una variación del color que va dende'l verde al mariellu según la estación del añu en que s'atope.
Flora y fauna Al pie de los pandoriales y cultivos yá enantes mentaos, esisten pinos comunes, que son l'abelugu d'animales como la perdiz, la falpayar, la llebre o'l coneyu.
Demografía
Edificios singulares thumb|left|Ilesia de San Ginés. thumb|275px|Cai de Ciguñuela, al fondu repara la ilesia del pueblu. thumb|250px|left|Una cai, en 2016. thumb|275px|Depósitu de l'agua. La ilesia de San Ginés ye'l so monumentu más emblemáticu. Ye l'edificiu más altu del pueblu, y foi construyida nel sieglu XVI. Nel so día sirvió pa comunicase cola talaya de Simancas o colos Castiellos de Peñaflor y Castromonte.
Dientro de la ilesia atopa'l Cristu del Humilladero, obra anónima, atribuyida n'ocasiones a Gil de Siloe, que data del sieglu XV. Formó parte d'esposiciones como "Les Edaes del Home".
El retablu mayor, del sieglu XVI, ye d'Esteban Xordán.
Otros edificios importantes son la ermita del Humilladero, la Plaza Mayor, onde s'atopa'l Conceyu, el Parque o la Caseta de los Cazadores.
El pueblu dispón tamién d'una ludoteca, archivu etnográficu, casa rural, oficina de turismu, centru médicu y telecentru; ente otros.
Festividaes El día de San Ginés, patrón de la llocalidá, celébrase'l 25 d'agostu.
Camín de Santiago El camín de Santiago na so ruta dende Madrid pasa por Ciguñuela. La llocalidá ta a 460 km de Santiago y dispón d'un albergue pa pelegrinos.
Personaxes célebres Nesta llocalidá nació'l maestru de primera enseñanza Dióscoro Galindo, fusiláu n'agostu de 1936 xunto al poeta Federico García Lorca nel ribayu de Víznar.Dióscoro Galindo, el maestru vallisoletano que foi fusiláu xunto a Federico García Lorca, El Norte de Castilla (21/08/2016) Taba destináu en Pulianas cuando foi executáu pola so ideoloxía republicana progresista.
Ver tamién Tresporte Metropolitanu de Valladolid Gastronomía de la provincia de Valladolid
Referencies
Enllaces esternos
Categoría:Llocalidaes de la provincia de Valladolid Categoría:Conceyos de Valladolid