David Jonathan Heyman ye un productor inglés y propietariu de Heyday Films. En 1999, Heyman aseguróse los derechos de filmación de la saga de llibros Harry Potter, de J. K. Rowling. A partir d'ende produció les ocho entregues de la serie.
Ye fíu de John Heyman, productor de películes como Un pasaxe a India y Jesús, y de Norma Heyman, actriz nomada en dos causes al Óscar.
El so primer trabayu na industria del cine foi como asistente de productor, antes de producir la so primer película, Juice, en 1992, siguíu pola película The Stoned Age (1994).
Esfrutó con dellos ésitos como executivu n'América, antes de tornar a Londres pa fundar la so propia compañía de producción, Heyday films, en 1997. En dichu añu ye cuando adquier los derechos cinematográficos de Harry Potter.
De magar, Heyman produció un gran númberu de notables películes, les más conocíes son les de la saga Harry Potter, dende la primera, Harry Potter y la piedra filosofal, hasta última película, Harry Potter and the Deathly Hallows - Part 2.
Filmografía Cine Productor 2016 - Fantastic Beasts and Where to Find Them 2016 - The Light Between Oceans 2013 - The History of Love 2013 - Paddington 2013 - Gravity 2011 - Harry Potter and the Deathly Hallows - Part 2 2010 - Harry Potter and the Deathly Hallows - Part 1 2010 - The Nephilim 2009 - Harry Potter and the Half-Blood Prince 2008 - Yes Man 2008 - Is Anybody There? 2008 - The Boy in the Striped Pyjamas 2007 - Harry Potter and the Order of the Phoenix 2007 - I Am Legend 2005 - Harry Potter and the Goblet of Fire 2004 - Harry Potter and the Prisoner of Azkaban 2002 - Harry Potter and the Chamber of Secrets 2001 - Harry Potter y la piedra filosofal 1999 - Ravenous 1994 - The Stoned Age 1992 - Juice
Televisión 2005 - Productor executivu de la serie de televisión de la CBS Threshold 1994 - Blind Justice (Productor de TV)
Premios Heyman ganó numberosos premios poles sos películes, sobre manera polos de la saga Harry Potter. Nel 2011, recibió'l premiu "Contribución Sobresaliente al Cine Británicu" por Harry Potter dau pola Academia Británica de les Artes Cinematográfiques y de la Televisión. Otros premios son: Ganador CineEurope Producer of the Decade en 2011 (Productor de la Década por CineEuroper). Ganador CinemaCon Hall Of Fame en 2011 pola saga Harry Potter. Ganador ShoWest's Producer del Añu en 2003; convirtiéndose nel primer productor británicu en ser reconocíu con tal premiu. Ganador BAFTA Children's Award en 2006 como Meyor Película (Harry Potter and the Goblet of Fire). Ganador BAFTA Award y Art Directors Guild Award pola so contribución al cine en 2011 cola saga Harry Potter. Ganador BAFTA Children's Award en 2011 como Meyor Película (Harry Potter and the Deathly Hallows - Part 2). Ganador AACTA International Award en 2013 como Meyor Película Internacional (Gravity) (compartíu con Alfonso Cuarón). Ganador Bafta Award en 2013 como Meyor Película Británica (Gravity). Ganador Producers Guild of America Award en 2013 como Best Theatrical Motion Picture (Gravity) (compartíu con Alfonso Cuarón y Jonás Cuarón).
Referencies
Enllaces esternos
Categoría:Productores de cine del Reinu Xuníu Categoría:Películes de Harry Potter Categoría:Persones de Londres