Wolverine, de nacencia James Howlett (tamién conocíu como James Logan o a cencielles Logan) ye un personaxe ficticiu, superhéroe de Marvel Comics, miembru de los X-Men. Él ye unu de los personaxes más conocíos del universu Marvel. El nome orixinal ye pol mustélidu Gulo gulo.
La so primer apaición foi nes páxines del cómic númberu 180 de The Incredible Hulk, datáu n'ochobre de 1974, anque la presentación formal foi nel númberu siguiente (númberu 181, payares de 1974).
Wolverine foi un miembru activu de los X-Men, The Avengers y otros grupos de superhéroes y antihéroes. Amás, davezu fai apaiciones como convidáu n'otros cómics de Marvel. Nes décades de 1980 y 1990 convirtióse nel Home-X más afamáu.
Trayeutoria editorial Wolverine foi creáu por Len Wein, Herb Trimpe y John Romita Sr.
Xunióse a los X-Men en 1975, formando parte d'un nuevu grupu de mutantes introducíu nel númberu 1 de Giant-Size X-Men, por Len Wein y Dave Cockrum. El personaxe desendolcáronlu más p'alantre l'escritor Chris Claremont y el dibuxante John Byrne en The Uncanny X-Men, dando-y les carauterístiques poles que güei ye más reconocible.
Claremont, xunto al escritor y dibuxante Frank Miller, establecieron importantes matices nunes series llindaes de Wolverine, que dieron llugar al eslogan «Soi'l meyor no que faigo, pero lo que faigo nun ye bien prestosu».
Wolverine ye'l títulu de delles series de cómics que'l mutante protagonizó: Wolverine (miniserie) (1982, 5 númberos) Kitty Pryde & Wolverine (miniserie) (1994, 6 númberos) Wolverine Vol. 2 (1988-2003) Origin (miniserie) (2001-2002, 6 númberos) Wolverine Vol. 3 (2003-2009) Wolverine Vol. 4 (2010-2012) Wolverine Vol. 5 (2013-2014) Origin II (2013-2014) Wolverine & The X-Men (2014) Wolverine Vol. 6 (2014) Wolverine Vol. 7 (2020-) Amás, Wolverine apaeció y apaez regularmente en varies publicaciones.
Biografía ficticia Orixe James Howlett ye un mutante nacíu n'Alberta, Canadá, nel sieglu XIX, y segundu fíu de Elizabeth Hudson y John Howlett (el primeru, John, aparentemente morrió). James nació enfermu y débil. So ma atopábase ayén y guardando les distancies, tres la muerte del mayorazu so circunstancies desconocíes. De pequeñu, James siempres foi un neñu enfermizu y amás carecía asma, polo que taba sol cuidu d'una moza llamada Rose Hopkins, contratada polos Howlett específicamente pa que lu curiara y caltuviera contentu.
Rose y James pasaben el tiempu xugando con otru mozu, nomatáu Dog, fíu del cruel Thomas Logan, guardián de los terrenos de la casona de los Howlett. Pero les coses entamen d'enguedeyase cuando John Howlett despide a Thomas de la so casa tres un incidente. Entós Thomas y el fíu aprucen na casa de los Howlett. Nesi momentu, Thomas Logan amaga que tenía un amoríu con Elizabeth (esto, sumáu al Alicante asemeyu que depués se-y daría James, treslluz que Thomas Logan ye, en realidá, el verdaderu pá de James) y, llueu, asesina a John. El pequeñu James, enllenu de roxura, manifiesta per primer vegada les garres de güesu, mata a Thomas y fier de gravedá a Dog na cara. Al ver el grotescu desenllaz, Elizabeth suicídase d'un disparu d'escopeta.
James decide fuxir del so llar xunto a Rose. El güelu de James apúrre-y un montonáu de perres a Rose en cuenta de que colen pa siempres de la propiedá. James y Rose terminen viviendo nun campamentu de mineros na rexón del Yukón, en Canadá. Ellí, James crez namoráu de Rose, anque sabe qu'ella namái lo ve como'l so hermanu. Esta acaba casándose col capataz de la mina, quien yera bien respetáu por James.
Mentanto'l güelu de James fála-y a una perdona misteriosa, pidiéndo-y qu'alcuentre al so nietu y a Rose, pos ta penáu de lo que-yos fixo y antes de morrer quier pidi-yos perdón. Esta persona resulta ser Dog, el neñu que solía xugar con Rose y James, pero nel que-y surdió, colos años, una gran redruña escontra ellos. Al atopalos ataca a James, quien yá nun lu recuerda, pos dempués de la nueche en que fuxeron escaeció'l so pasáu. Mientres tan engarriaos, Rose apaez corriendo pa intentar aselalos, pero zarapica y James termina corándola coles garres de güesu, acabante redescubriles.Origin # 1-5
James pasa por un periodu de crisis dempués de la muerte de Rose. El trance face-y escaecer tol pasáu, incluyendo'l so nome. L'únicu nome que recuerda ye'l de "Logan", que dende entós empecipia a utilizar pensando que ye'l de so. James va vivir un tiempu nel desiertu, ente llobos, na zona del Yukón.Wolverine: Origins # 6
Primeres aventures
So les combalechadures del villanu Romulus, James faise mercenariu en Madripoor, una pequeña isla-principáu del sureste d'Asia, y contrátenlu unos misteriosos empresarios conocíos como Landau, Luckman & Lake.Wolverine vol. 1 # 5 Nesos, tuvo un amoríu con Seraph, una diminuta pero espantible muyer, tamién emplegada de Romulus.Uncanny X-Men vol. 1 # 268
Dempués James finca en Xapón, onde atopa per primer vegada un home misteriosu conocíu solo como Creed (otru esperimentu de Romulus), que fora contratáu pol clan ninja La Mano p'asesinalu. James torna a la so patria y vive un tiempu nuna comunidá minera cercana al territoriu de los indios pies negros. Nesa dómina, vuélvese amante d'una curiosa nativa llamada Silver Fox (Raposa Platiada). Por desgracia la so felicidá faise trices cuando Creed, que lu escorriera dende Xapón, asesina a Silver Fox. Esto asocedió'l día del aniversariu de Logan. Ésti y Creed conviértense dende entós n'enemigos mortales, xurando axuntase pa lluchar cada aniversariu de James. Col pasu de los años, Creed convirtióse nun asesín gafu conocíu como Sabretooth.Wolverine vol. 1 # 10
James entró nel exércitu canadianu na Primer Guerra Mundial, y depués percorrió'l mundu dellos años. En Shanghai, China, conoció al samurái y místicu llamáu Ogun, quien y deprendió-y diverses artes marciales. Tamién tuvo en Méxicu, u conoció a la cambiaformes mutante Mystique. En 1932 James tornó a Madripoor, u retomó'l oficiu de mercenariu y se fixo llamar Patch. Tuvo presente na Guerra Civil Española, y na Segunda Guerra Mundial, trabayó con Seraph como axente, amás de collaborar con superhéroes como Captain America y Black Widow.
Depués, James fincó de nuevu en Xapón, onde conoció una muyer llamada Itsu, casóse con ella y tuvieron un fíu, en 1946. Por desgracia, a Itsu asesinóla Winter Soldier. James creyó que so fíu tamién morriera, pero en realidá el neñu sobrevivió. Romulus apurriólu a una pareya llocal, que lu bautizó como Akihiro.Wolverine: Origins # 5
Arma X Alredor de 1961, James toma'l nome en códigu de Wolverine, y introduzse nel proyeutu de superhomes conocíu como Arma X, del gobiernu canadianu. Utilizando diversos métodos, Wolverine ye sometíu a un programa de "memories enllantaes", qu'alterien entá más les sos alcordances confuses. Nesa dómina, realcontróse con Sabretooth y Silver Fox, quien sobrevivió so circunstancies misterioses. Tamién taben presentes otros axentes como Maverick y Mastodont. Por cuenta de los constantes "llavaos de celebru" nesti tiempu, nin Wolverine nin Sabretooth recordábense l'unu al otru. Wolverine forma l'Equipu-X xunto a Sabretooth y Maverick, y son los responsables de boicotiar el "Proyeutu Omega Red", del supersoldáu de l'antigua Xunión Soviética. Pero, so la influyencia de Romulus, Sabretooth traiciona a los sos collacios y l'Equipu desintégrase.X-Men vol. 1 # 6
So órdenes de Romulus, el Proyeutu Arma-X somete a Wolverine al procesu de fundición de la cadarma humana con adamantium, un tipu de metal práuticamente indestruyible, desenvueltu polos científicos Cornelius y Oyama. Wolverine yera'l candidatu ideal p'aguantar el doliosu y mortal procesu, gracies a los sos poderes curatibles. Pero los científicos nun foron a controlar a Wolverine, que, revertíu a un estáu xabaz, esterminó a tolos del Proyeutu enantes de fuxir saltando per una catarata.Marvel Comics Presents vol. 1 # 72-84 Sicasí, Cornelius y Oyama llogren sobrevivir anque, tiempu dempués, a Oyama asesinólu la so moza.
Wolverine tuvo analayando pel monte per delles selmanes, fasta que lu atopó'l matrimoniu conformáu por James y Heather Hudson. Los Hudson rescataron a Wolverine y ayudáronlu a recuperar la humanidá y el xacíu. Eventualmente convídenlu a xunise al Departamentu H, un grupu secretu de supersoldaos de Canadá.Uncanny X-Men vol. 1 # 120 Por cuenta de los manipuliamientos mentales del Proyeutu Arma-X, Wolverine solo podía recordar delles coses del so pasáu, ente elles a Seraph. Wolverine tornó a Madripoor p'ayudar a entrenar a la nueva discípula de Seraph, Ophelia Sarkissian, la muyer conocida como Viper. Pero Sabretooth atacó a Seraph y aparentemente asesinóla. Enntes de morrer, Seraph fíxo-y xurar a Wolverine que, dalgún día, se casaría con Viper. L'heroísmu de Seraph influyó en Wolverine, poro, aceptó la ufierta de James Hudson de xunise al equipu de superhéroes canadianos conocíu como Alpha Flight. Eventualmente, controláu por Romulus, Wolverine atacó a Hulk y a un Wendigo,Incredible Hulk vol. 1 # 180-181 enantes d'abandonar el Departamentu H de Canadá.
X-Men
Wolverine conoció al Profesor Charles Xavier, fundador y cabezaleru del grupu de superhéroes mutantes conocíos como los X-Men, cuando esti realizaba un viaxe a Canadá. Xavier amosó interés por Wolverine y convidólu a xunise al so equipu. Foi Xavier quién afayó la presencia de Romulus na mente de Wolverine y rompió'l llazu mental que xunía a Wolverine col villanu. Wolverine debutó con una nueva xeneración de X-Men rescatando a los orixinales d'un monstruu conocida como Krakoa, la Isla Viviente. La primer nueche que pasó na Escuela Xavier, Wolverine aldericó cola muyer-x Jean Grey, sintiendo dambos a partir d'esi momentu una fuerte atraición mutua, reprimida por Jean gracies al romance col home-x Cyclops (Cíclope).Giant-Size X-Men # 1 Colos X-Men, Wolverine atopó la familia que nunca tuvo.
Poco dempués, Wolverine viaxó a Xapón. Ellí conoció a la fía de Lord Xinguen Ḥarada, cabezaleru del poderosu Clan Yashida de la Yakuza xaponesa, Mariko Yaxida. Wolverine terminó namorándose d'ella, y ella correspondió-y.Uncanny X-Men vol. 1 # 118 Cuando la moza foi forzada pol pá a un matrimoniu iguáu, Wolverine intervieno y venció a Lord Shingen, quien-y ufrió la mano de so fía.Wolverine (Miniserie) # 1-4
La supuesta muerte de Jean Grey depués del so tráxicu alcuentru cola entidá cósmica conocida como la Fuercia Fénix provocó tamién un fuerte impautu en Wolverine, qu'en señal de llutu camudó'l so traxe mariellu y azul por uno mariellu y marrón. Nel so alcuentru colos esbirros del Hellfire Club (Club Fueu Infernal), Wolverine firió gravemente a dellos d'ellos, quienes, sofitaos pol cyborg Donald Pierce, convertiríense más tarde nos asesinos cibernéticos conocíos como Reavers (Segadores).Uncanny X-Men vol. 1 # 133-134
Más tarde, la so boda con Mariko Yaxida foi pertorgada pola intervención del mutante ilusionista Mente Maestra.Uncanny X-Men vol. 1 # 173 De toes formes, la pareya siguió la so rellación, y inclusive, adoptaron una neña güérfana llamada Amiko Kobayaxi.Uncanny X-Men vol. 1 # 181 Wolverine tamién tuvo que s'enfrentar al so anterior mentor, Ogun, cuando esti perdió'l xacíu y manipolió a la nueva Kitty Pryde, compañera de Wolverine nos X-Men. Wolverine, col sofitu de Kitty, combatió a Ogun, viéndose forciáu a matalu.Kitty Pryde & Wolverine # 1-4 Wolverine atopóse con Yuriko Oyama, "Lady Deathstrike", la fía del Profesor Oyama (Darkwind) ún de los científicos del Proyeutu Arma X. Deathstrike odiábalu, afirmando que yera l'asesín de so pá (Yuriko sufriera amnesia y nun recordaba les verdaderes causes de la muerte de so pá). No fondero, Deathstrike tamién siente una fuerte atraición escontra Wolverine.Uncanny X-Men vol. 1 # 206