thumb|right|290px|Presentación del actor, nel papel de Publio Servilio Casca, nel reclamu de la película de 1953 Julius Caesar.
Edmond O'Brien foi un actor d'Estaos Xuníos ganador d'un Óscar de l'Academia na categoría de meyor actor de repartu.
Trayeutoria profesional Nacíu en Nueva York, interesóse pol mundu de la interpretación dende bien tienra infancia. A ello ayudó-y el so vecín, el famosu magu Harry Houdini. Abandonó los sos estudios na Fordham University pa entamar interpretación nel Neighborhood Playhouse School of Theatre gracies a una beca. Al mesmu tiempu trabayó como emplegáu de banca hasta embarcase nel mundu de la interpretación en compañíes de Broadway hasta qu'en 1937 xunióse al Mercury Theatre d'Orson Welles y actuó davezu en programes de radio y nel teatru.
O'Brien realizó'l so debú nel cine en 1938 en papeles secundarios y adulces foi faciéndose un nome nel mundu de Hollywood. The Hunchback of Notre Dame (1939), de William Dieterle, y The Killers o The Killers (1946), de Robert Siodmak, son delles películes destacaes d'esta primer etapa como actor. Nesa dómina, casóse cola actriz Nancy Kelly en 1941 (una rellación que tan solo duró un añu) y depués con Olga San Juan cola que tendría una neña (Maria O'Brien) que tamién se dedicaría al mundu de la interpretación.
Na década de los 50, destacaró en numberoses obres. Sobre toos elles, la interpretación d'un home morrebundu que busca desesperadamente al so asesín nes sos últimes hores de vida en D.O.A. (1950), un escelente y poderosu thriller de Rudolph Maté. Pero tendría otres como White Heat (1949), The Man Who Shot Liberty Valance (1962), Birdman of Alcatraz (1962), The Longest Day (1962) o The Wild Bunch (1969).
Ganó un Óscar como meyor actor secundariu pol so papel en The Barefoot Contessa (1954). Diez años depués, foi nomáu n'otra ocasión pola so participación en Seven Days in May (1964), pero nun resultó ganador.
O'Brien morrió n'Inglewood (California) pola enfermedá d'Alzheimer y foi enterráu nel campusantu de Holy Cross en Culver City. L'actor tien dos estrelles nel Paséu de la Fama de Hollywood asitiaes nel 1725 Vini Street y nel 6523 de Hollywood Boulevard.
Filmografía
Premios
Óscar Añu Categoría Película Resultáu1964Meyor actor de repartuSeven Days in MayCandidatu 1954Meyor actor de repartuThe Barefoot ContessaGanador
Referencies
Enllaces esternos
Categoría:Actores y actrices de wéstern Categoría:Direutores de cine d'Estaos Xuníos Categoría:Ganadores del premiu Óscar al meyor actor de repartu Categoría:Persones de Nueva York