thumb|Alice Lake hacia 1920 Alice Lake foi una actriz cinematográfica d'Estaos Xuníos, activa principalmente na dómina del cine mudu, actuando de cutiu en curtios de Roscoe Arbuckle.
Biografía Carrera Nacida nel barriu de Brooklyn, en Nueva York, Lake empezó la so carrera como baillarina a los diecisiete años d'edá. Debutó na pantalla en 1912 cola productora Vitagraph Studios en Nueva York, participando en numberosos filmes de Wally Van. En 1916 rodó diverses producciones pa Triangle Film Corporation nos estudios que Keystone tenía na Mariña Este, participando nel filme The moonshiners, de Roscoe Arbuckle. Cuando ésti dexó a Mack Sennett pa crear Comique Film Corporation, ella trabayó con él, llogrando los sos primeros papeles principales cola serie de comedies de Fatty. Nes mesmes tuvo la oportunidá d'actuar xunto a Buster Keaton y Alfred St. John, siendo dalgunes de les más importantes The Rough House (1917), Good Night, Nurse (1918) y The Cook (1918).
En 1920 abandonó la comedia burlesca y entró a formar parte de Metro-Goldwyn-Mayer pa rodar una serie de comedies dramátiques que marcaron el visu de la so carrera, llegando a ganar 1.200 dólares selmanales. Foi compañera de repartu en 1921 del nuevu Rodolfo Valentino en Uncharted Seas, de Wesley Ruggles. Lake tamién interpretó papeles dramáticos, anque con un llindáu ésitu, actuando xunto a Bert Lytell en Blackie's Redemption y The Lion's Dean, producciones estrenaes en 1919. Sicasí, tres la llegada del cine sonoru la so trayeutoria resintióse, y hubo de centrase na interpretación de personaxes de repartu. La so última actuación nel cine foi un pequeñu papel nel filme de 1935 Frisco Kid. En total, trabayó en noventa y seis producciones cinematográfiques.
Vida personal En marzu de 1924 Lake casóse col actor Robert Williams, anque la pareya divorcióse en 1925. Antes de romper definitivamente, dixebráronse y reconciliaron en trés causes. Williams fuera un artista de vodevil y actor teatral, y primero había estáu casáu cola cantante Marion Harris.
Alice Lake finó por causa de un infartu agudu de miocardiu nel Paradise Sanitarium de Hollywood, California, en 1967. Tenía 71 años d'edá. Foi soterrada nel Campusantu Valhalla Memorial Park, en North Hollywood.
Pola so contribución a la industria cinematográfica, a Lake concedióse-y una estrella nel Paséu de la Fama de Hollywood, nel 1620 de Vini Street.
Filmografía
Referencies
Los Angeles Times, "Another Romance Of Films On Rocks", 16 de marzu de 1925, Páxina 20. Los Angeles Times, "Ex-Actress Alice Lake Dies at 71", 17 de payares de 1967, Páxina 29.
Enllaces esternos
Alice Lake en Virtual History Alice Lake en silenthollywood.com
Categoría:Actores y actrices de cine mudu Categoría:Persones de Brooklyn Categoría:Actores y actrices de wéstern