James Howard Dunn foi un actor cinematográficu d'Estaos Xuníos.
Biografía Nacíu en Nueva York, d'ascendencia irlandesa, Dunn yera'l fíu d'un corredor de Wall Street quien, según el mesmu Dunn, "o tenía un millón o nun tenía nada". Dunn empecipió la so carrera nel vodevil enantes de la so apaición nel cine nos primeros años trenta. Dexó bien bona impresión colos sos primeros papeles, incluyendo Society Girl (Chica bien) (1932) con Peggy Shannon y Hello, Sister! (¡Hola, hermanita!) (1933) con Boots Mallory y ZaSu Pitts. Otros primeros ésitos de Dunn fueron Bad Girl (1931), Change of Heart (El primer amor) (1933) con Janet Gaynor, y tres películes de Shirley Temple, Baby Take a Bow (Gracia y simpatía), Stand Up and Cheer (Seamos optimistes), y Bright Eyes (Güeyos cariñosos), toes elles de 1934.
Los siguientes papeles nun sirvieron pa promocionar la so carrera, y nos últimos años trenta les sos mires nun yeren bones por causa de la so alcoholismu. En 1945 la so actuación en A Tree Grows in Brooklyn (A Tree Grows in Brooklyn) valió-y un Premiu Óscar como actor de repartu. Irónicamente, interpretaba a un alcohólicu. El so ésitu nun tuvo continuidá, y a principios de la década de 1950 alcuéntrase en paru, arruináu y alcoholizado. Apaeció na comedia televisiva It's A Great Life dende 1954 hasta 1956.
Tuvo casáu cola actriz Frances Gifford ente 1938 y 1942.
Finó por causa de los entueyos apaecíos tres una intervención quirúrxica dixestiva en Santa Monica, California.
James Dunn tien dos estrelles nel Paséu de la Fama de Hollywood, una pola so contribución a la industria cinematográfica en 6555 Hollywood Boulevard, y otra pol so trabayu en televisión en 7000 Hollywood Boulevard.
Referencies
Enllaces esternos
Categoría:Persones de Nueva York Categoría:Actores y actrices d'Estaos Xuníos Categoría:Ganadores del premiu Óscar al meyor actor de repartu