Eta Crucis (η Cru / HD 105211 / HR 4616)Eta Crucis - Star in double system (SIMBAD) ye una estrella asitiada na rexón meridional de la constelación de la Cruz del Sur. De magnitú aparente +4,15, alcuéntrase a 64 años lluz del Sistema Solar.
Eta Crucis ye una estrella de la secuencia principal de tipu espectral F2V con una temperatura efectivo de 6950 K. El so radiu ye aproximadamente un 30% más grande que'l del SolEta Crucis (Catalogue of Stellar Diameters, CADARS) y xira sobre sigo mesma con una velocidá de rotación proyeutada de 63 km/s, lo qu'implica que'l so periodu de rotación ye inferior a 1,4 díes.Eta Crucis (Stars, Jim Kaler) Tien una metalicidá significativamente menor que la del Sol ([M/H] = -0,29). Tien una masa de 1,5 mases solares y, anque más nueva que'l Sol, distintos estudios cifren la so edá ente 1500 y 2500 millones d'años.
El preséu MIPS a bordu del Telescopiu Espacial Spitzer detectó un importante escesu de radiación infrarroxo a 70 μm proveniente d'Eta Crucis. Ello indica la presencia d'un discu circumestelar de polvu arrodiando a la estrella, envalorándose que la temperatura de les partícules de polvu ye inferior a 70 K. Esti escesu nun fuera detectáu enantes pol satélite IRAS al tar Eta Crucis visualmente cerca —a 2,4 minutos d'arcu— de la variable Mira CL Crucis, brillosa fonte nel infrarroxu.
Referencies
Categoría:Estrelles Categoría:Constelación de Crux