A fiya del xastre ye un curtiumetraxe de 2011. Trátase del primer filme de ficción que se rueda en gallegoasturianu. Dirixólu Marisa López Diz en dellos llugares del conceyu de Grandas de Salime.
Argumentu Cuenta la historia d'una costurera qu'escuende nes prendes qu'ellabora unes ramines d'herbes coles que conxurar la bona suerte y facer realidá los deseos de la xente. Nuna ocasión abelluga a un rapaz ensin sitiu onde pasar la nueche y téxe-y una chaqueta con una d'eses ramines. Al día siguiente sábese la nueva de que la Guardia Civil anda a la busca d'un home fuxíu. Pasaos dellos años, la costurera recibe un día una carta con una sola pallabra: "gracies".
Guión El guión de A fiya del xastre inspírase nel rellatu d'igual títulu ganador del Premiu Xeira 2007 de narraciones curties.
Repartu Elsa Pérez García: Fiya del xastre Jose Alberto R. Andreolotti: Xastre Rodrigo Pérez González: Cánaba del xastre 1, carteiro Lucía Sánchez García-Conde: Cánaba del xastre 2 María Luisa Rodríguez Álvarez: Cánaba del xastre 3, Balbina Luis M. Suárez: Forasteiro Elena Pérez González: Cánaba da tenda Avelino López Ledo: Cánaba del barbeiro Marisa López Diz: Narrador
Edición en DVD A fiya del xastre publicóse en DVD na muestra Esbilla 2012 editada por Gonzali Producciones.
Referencies
Enllaces esternos Presentación d'A fiya del xastre Onda Radio Televisión Estreno en Cangas del Narcea del cortometraje “A fiya del xastre” De acebo y jara
Categoría:Películes en gallegoasturianu Categoría:Películes d'Asturies