La ilesia de La Dorada ( o Sainte-Marie de la Daurade) ye una basílica católica de la ciudá francesa de Toulouse (departamentu d'Alta Garona). Alcuéntrase asitiada na vera este del ríu Garona xunto al edificiu de Belles Artes y el muelle de La Dorada.
Trátase d'un edificiu relativamente modernu construyíu ente 1764 y 1883 pa sustituyir l'antigua ilesia románica qu'amenaciaba ruina. Sicasí, el llugar qu'ocupa foi dedicáu al cultu dende la dómina romana y enantes d'allugase la primer ilesia cristiana foi un templu consagráu a Apolu. De fechu la basílica acovez una de les reliquies cristianes más antigües de la ciudá, la Vierge Noire.
La Virxe Negra Esisten dellos centenares censaos de vírxenes negres (la mayor parte d'orixe románicu y alcontraes na cuenca occidental del Mediterraneu). Una d'elles ye la Virxe Negra de la Dorada, a la que l'edificiu debe'l so nome primixeniu (Santa María de Toulouse) anque dempués denomaríase-y Daurade (de "Deaurata") polos mosaicos cubiertos d'oru que contenía.
Esta estatua de madera ye bien venerada polos tolosanos (en particular poles muyeres encintes) magar que la orixinal del sieglu X foi robada nel XIV y la so sustituta quemada na plaza del Capitoliu mientres la Revolución francesa de 1799. L'actual talla data de 1807.
Referencies
Enllaces esternos
Categoría:Basíliques de Francia Categoría:Edificios de Toulouse