L'escudu de Vilanova d'Ozcos (Asturies), n'usu ensin sanción llegal nin alcuerdu de la so corporación, toma'l so formato de la obra "Asturias" de Bellmunt y Canella, quienes recueyen coses representatives del conceyu.
El so escudu ye mediu partíu y curtiáu.
El primer cuartel partíu, amuésanos sobre campu d'Azur, la cruz de los Ánxeles de la ilesia d'Uviéu.
El segundu cuartel partíu, vemos un castiellu flanquiáu por dos espigues, del que sal una águila negra surmontada del cuernu de l'abondanza y que simboliza al antiguu gran conceyu de Castropol.
El tercer cuartel curtiáu, amuésanos la representación del monesteriu cisterciense que dirixó'l camín del conceyu per sieglos. N'elli podemos ver el brazu d'un monxu sosteniendo un blagu de'oru y acompañáu de dos flores de lis.
Diagonalmente y d'arriba abaxo, adicamos una banda xaquelada de plata y gules, viendo na porción inferior una cruz y una mitra.
Al timbre la corona real, abierta.
Esti escudu ye una muestra d'arguyu mui común dientro de les families nobles y burgueses de la época.
Ver tamién Escudos d'Asturies
Referencies
Enllaces esternos
Vilanova d'Ozcos Categoría:Vilanova d'Ozcos