derecha|miniaturadeimagen|300x300px|Islla Victoria.
Victoria (en rusu : Остров Виктория; Ostrov Viktoriya) ye una pequeña islla ártica asitiada a 80° 36° 46' Y 9' N, a mediu camín ente l'archipiélagu noruegu de Svalbard y l'archipiélagu rusu de Tierra de Franciscu Xosé. Ye la más occidental de les islles ártiques ruses, tien 14 km² y ta casi totalmente cubierta de xelu.
La islla Victoria alminístrase como parte de la Tierra de Franciscu Xosé, que pertenez al óblast d'Arcánxel, división alministrativa de Rusia.
L'altor máximu de la islla Victoria ye de 105 m. El cabu del noroeste conozse como cabu Knipovich.
Historia La islla foi afayada el 20 de xunetu de 1898 por dos capitanes mercantes noruegos, Johannes Nilsen y Ludvig Bernard Sebulonsen. A otru día, el capitán P. W. Nilsen del vapor Victoria, propiedá del aventureru inglés Arnold Pike, columbró la islla y asina denominola igual que'l barcu.
A pesar de que la islla Victoria atópase solo a menos de 32 milles náutiques (unos 60 kilómetros) de Kvitøya nel archipiélagu Svalbard, alcuéntrase al este de los territorios sometíos a la soberanía de Noruega acordies con el Tratáu de Svalbard en 1920. Arriendes d'ello, la islla yera considerada Terra nullius, hasta qu'un decretu soviéticu de 15 d'abril de 1926 reclamó un sector soviéticu na rexón ártica que tamién incluyía a Tierra de Francisco José y l'islla Victoria. Noruega foi notificada el 6 de mayu y protestó oficialmente el 19 d'avientu, oponiéndose a la demanda soviética.
Nos años siguientes les autoridaes noruegues punxeron enforma esfuerzu na anexón de la islla Victoria y Tierra de Franciscu Xosé. El Ministeriu d'Asuntos Esteriores nun tomó midíes para asitiar les afirmaciones oficiales, pero nun punxo nenguna oxeción a la iniciativa privada. En 1929, Lars Christensen, un magnate de la caza de ballenes en que les sos espediciones Noruegues se había anexionao la islla Bouvet y l'iislla de Pedru I na Antártida, financió una espedición de dos buques, S/S Torsnes and M/C Hvalrossen. A la salida de Tromsø, la tripulación recibió instrucciones detallaes para construyir una estación de radiu y dexar a un equipu d'ivernada en Tierra de Franciscu Xosé y reclamar la islla Victoria, en nome de Christensen. La espedición nunca llegó a Tierra de Franciscu Xosé nin a la islla Victoria, por cuenta de les condiciones del mar xeláu. El 29 de xunetu de 1929, el profesor Schmidt de la Espedición Soviética Sedov izaron la bandera soviética na badea Tikaya de la islla Hooker, y declaró que la Tierra de Franciscu Xosé formaba parte de la Unión Soviética.
Noruega nun protestó oficialmente pola anexón soviética de Tierra de Franciscu Xosé, pero siguió los sos esfuerzos con al respecu de la islla Victoria y un nuevu intentu fíxose l'añu siguiente. El buque M/S Bratvaag llegó a la islla Victoria, el 8 d'agostu de 1930. A les 04:30 un grupu de siete homes saltaron a tierra, ente ellos el líder de la espedición Gunnar Fornos y el capitán del barcu Ciscar Eliassen. Fornos reclamó la islla y llevantó un cartelu na sablera, indicando la demanda, y dexó materiales de construcción d'una cabina, los clavos y un martiellu. El verdaderu propósitu de la espedición Bratvaag caltúvose de callao y Noruega nun reclamó oficialmente la islla más tarde, probablemente debíu a la medrana de disgustar a la Unión Soviética. En septiembre de 1932, súpose que la Unión Soviética anexionóse la islla.islles escondides nel Ärticu.Turismo nel Árticu
Referencies
Enllaces esternos
"Norwegian Arctic Expansionism, Victoria Island (Russia) and the Bratvaag Expedition", IGjertz, B. Mørkved, Arctic, Vol. 51, Non. 4 (December 1998), P. 330-335 (en PDF).
Categoría:Xeografía de Rusia