L'Alministración Nacional Oceánica y Atmosférica (NOAA, del inglés National Oceanic and Atmospheric Administration) ye una axencia federal de los Estaos Xuníos dependiente del Departamentu de Comerciu de los Estaos Xuníos. La so actividá céntrase nel estudiu y siguimientu de l'atmósfera, los océanos y les zones costeres, la predicción meteorolóxica y climática y la conservación y xestión de los recursos marinos.About our agency, National Oceanic and Atmospheric Administration.
La NOAA creóse en 1970 por aciu del Plan de Reorganización númberu 4 promovíu pola alministración del presidente Richard Nixon, y empezó a funcionar oficialmente'l 3 d'ochobre d'esi añu. La nueva axencia integró organismos y servicios anteriores dedicaos a la meteoroloxía, la oceanografía, la cartografía, la pesca y la investigación ambiental, ente ellos el Weather Bureau y el Coast and Geodetic Survey.NOAA Legal History, National Oceanic and Atmospheric Administration.
Ente los organismos que formen parte de la NOAA tán el National Weather Service, el National Ocean Service, el National Marine Fisheries Service y'l National Environmental Satellite, Data, and Information Service. La institución opera una rede de satélites, buques oceanográficos, estaciones meteorolóxiques, laboratorios y centros de procesamientu de datos.
La NOAA produz predicciones meteorolóxiques y avisos por fenómenos peligrosos, estudia'l cambéu climáticu, monitoriza océanos y costes, xestiona pesqueríes y ecosistemes marinos y opera satélites d'observación de la Tierra. Nel campu de la meteoroloxía espacial coopera con organismos internacionales como EUMETSAT, y los sos satélites polares funcionaron de manera complementaria colos europeos de la serie MetOp.Metop, EUMETSAT.
Ver tamién National Weather Service EUMETSAT Satélite meteorolóxicu Meteoroloxía Oceanografía
Referencies
Enllaces esternos
Categoría:Alministración Nacional Oceánica y Atmosférica Categoría:Axencies del Gobiernu de los Estaos Xuníos Categoría:Meteoroloxía Categoría:Oceanografía Categoría:Organizaciones fundaes en 1970