Gregory Brockman , conocíu como Greg Brockman, ye un empresariu, programador ya inxenieru de software d'Estaos Xuníos. Ye cofundador y presidente d'OpenAI, organización dedicada al desarrollu d'intelixencia artificial.«Introducing OpenAI», OpenAI, 11 d'avientu de 2015.
Brockman estudió na Universidá Harvard y nel Institutu Tecnolóxicu de Massachusetts, pero abandonó los estudios universitarios pa incorporase al sector tecnolóxicu. En 2010 entró en Stripe, empresa de pagos electrónicos que daquella taba nos sos primeros años de desarrollu, y en 2013 convirtióse nel so direutor de tecnoloxía.
En 2015 dexó Stripe y participó na creación d'OpenAI xunto con Sam Altman, Elon Musk, Ilya Sutskever y otros investigadores y empresarios. Brockman foi inicialmente'l direutor de tecnoloxía de la organización y posteriormente convirtióse nel so presidente.
Dende OpenAI participó nel desarrollu de la infraestructura y les estratexes d'investigación que llevaron a la creación de les families de modelos GPT, DALL-E y otros sistemes d'intelixencia artificial xenerativa. En payares de 2023 dexó temporalmente'l so puestu tres la destitución de Sam Altman, pero reincorporóse a la compañía dempués de la restitución d'Altman como direutor executivu.
Referencies
Enllaces esternos
Categoría:Nacíos en 1987 Categoría:Nacíos en Dakota del Norte Categoría:Empresarios y empresaries d'Estaos Xuníos Categoría:Programadores d'Estaos Xuníos Categoría:OpenAI Categoría:Persones rellacionaes cola intelixencia artificial