Sephiroth (セフィロス) ye un personaxe ficticiu de la serie de videoxuegos Final Fantasy de Square Enix y l'antagonista principal de Final Fantasy VII, publicáu en 1997. El personaxe diseñólu Tetsuya Nomura y foi presentáu como un antiguu miembru de primera clase de SOLDIER, la fuerza militar d'élite de la compañía Shinra.FINAL FANTASY VII, Final Fantasy Portal Site, Square Enix.
Antes de los acontecimientos principales del xuegu, Sephiroth tenía fama de ser ún de los guerreros más poderosos de SOLDIER y yera consideráu un héroe. La investigación del so orixe durante una misión en Nibelheim provoca una crisis que lu lleva a enfrentase a Shinra y al planeta. La so historia ta estrechamente rellacionada colos esperimentos del científicu Hojo y cola criatura extraterrestre Jenova.FINAL FANTASY VII REBIRTH, Square Enix.
Sephiroth ye'l principal enemigu de Cloud Strife, cuya memoria y pasáu tán profundamente condicionaos polos acontecimientos de Nibelheim. Nel combate utiliza principalmente la espada Masamune, caracterizada pola so llarga fueya, y manifiesta capacidaes sobrehumanes y distintos poderes rellacionaos con Jenova y la enerxía del planeta.FINAL FANTASY VII STRUCTURE ARTS - SEPHIROTH, Square Enix.
El personaxe volvió apaecer en producciones derivaes como Final Fantasy VII: Advent Children, Crisis Core: Final Fantasy VII, Final Fantasy VII Remake y Final Fantasy VII Rebirth. Tamién foi incorporáu a otros videoxuegos, ente ellos la serie Dissidia Final Fantasy, Kingdom Hearts y Super Smash Bros. Ultimate, onde foi añadíu como personaxe descargable.Super Smash Bros. Ultimate: Sephiroth, Nintendo.
Referencies
Enllaces esternos
Categoría:Personaxes de Final Fantasy Categoría:Personaxes de Square Enix Categoría:Villanos de videoxuegos Categoría:Espadachinos ficticios Categoría:Personaxes creaos en 1997