Rei Ayanami (綾波 レイ, Ayanami Rei) ye un personaxe ficticiu de la franquicia xaponesa Neon Genesis Evangelion, creada principalmente por Hideaki Anno y producida pol estudiu Gainax. Ye una adolescente designada como First Children y pilota la unidá Evangelion-00 de la organización NERV, encargada de combatir a los seres conocíos como Ánxeles.«Evangelion Official», sitiu oficial d'Evangelion.
Rei apaez al entamu de Neon Genesis Evangelion como una rapaza introvertida, emocionalmente distante y con escases relaciones personales. Mantién una relación especialmente próxima col comandante de NERV, Gendo Ikari, mientres la convivencia y les operaciones militares fáenla relacionase progresivamente con Shinji Ikari y Asuka Langley Soryu, los otros pilotos principales d'Evangelion.«Neon Genesis Evangelion», Netflix.
La verdadera naturaleza de Rei ye ún de los elementos centrales del misteriu narrativu de la serie. El personaxe ta venceyáu a Yui Ikari, madre de Shinji, y a Lilith, y esisten múltiples cuerpos capaces d'actuar como recipientes de la so alma. La muerte d'una encarnación de Rei puede dar pasu a otra, polo que distintes versiones del personaxe apaecen a lo llargo de la historia.«Neon Genesis Evangelion», GKIDS.
Rei volvió apaecer nes películes Neon Genesis Evangelion: Death & Rebirth y The End of Evangelion, y foi reinterpretada na tetraloxía cinematográfica Rebuild of Evangelion. El personaxe convirtióse nuna de les figures más reconocibles de la franquicia y tuvo una presencia destacada nel merchandising, los videoxuegos y otres producciones derivaes d'Evangelion.«Works», Studio Khara.
Referencies
Enllaces esternos
Categoría:Personaxes de Neon Genesis Evangelion Categoría:Personaxes de manga y anime Categoría:Pilotos ficticios Categoría:Personaxes creaos en 1995