La Medaya d'Oru al Méritu nes Belles Artes ye una condecoración concedida pol Gobiernu d'España a persones y entidaes que destaquen na creación artística y cultural o que presten servicios relevantes nel fomentu, desenvolvimientu o difusión del arte y la cultura. Les concesiones apruébales el Conseyu de Ministros a propuesta del titular del Ministeriu de Cultura.«Medallas de Oro al Mérito en las Bellas Artes», Ministerio de Cultura.
La regulación contemporánea de la distinción establecióse pol Real Decretu 3379/1978, de 29 d'avientu. Hasta 1995 concedíense medayes nes categoríes d'oru y plata; dende 1996 concédese namái la categoría d'oru. Ente los galardonaos figuren profesionales ya instituciones del cine, el teatru, la música, la danza, la lliteratura, les artes plástiques, la arquiteutura y otres disciplines culturales.«Premiados», Ministerio de Cultura.
Referencies
Enllaces esternos
Categoría:Medaya d'Oru al Méritu nes Belles Artes Categoría:Premios d'arte d'España Categoría:Condecoraciones d'España