Doraemon ye un personaxe ficticiu creáu por Fujiko F. Fujio y protagonista del manga y anime Doraemon. Debutó en 1969 en diverses revistes infantiles publicaes por Shogakukan.
Ye un robot con forma de gatu procedente del sieglu XXII. Viaxa al pasáu pa vivir con Nobita Nobi y ayudar a evitar que les males decisiones del neñu provoquen problemes económicos a los sos descendientes.
Doraemon guarda nel bolsu abdominal una gran cantidá de ferramientes procedentes del futuru. Ente les más recurrentes tán la puerta que permite desplazase a cualquier llugar y la máquina del tiempu instalada nel caxón del escritoriu de Nobita.
El manga dio llugar a diverses series d'anime y a decenes de películes. La popularidá del personaxe convirtiólu nuna figura destacada de la cultura popular xaponesa, y en 2008 el Ministeriu d'Asuntos Esteriores de Xapón designólu «embaxador del anime».
Referencies
Enllaces esternos
Categoría:Robots ficticios Categoría:Gatos ficticios Categoría:Personaxes de ficción